ചർമ്മസംരക്ഷണത്തിന്റെ ഭാഗമായി മോയിസ്ചറൈസർ ഉപയോഗിക്കുന്നവരുടെ എണ്ണം ഇന്ന് വർധിച്ചുവരികയാണ്. ചർമ്മത്തിലെ ഈർപ്പം നിലനിർത്താനും വരള്ച്ച കുറയ്ക്കാനും സഹായിക്കുന്ന മോയിസ്ചറൈസർ പ്രത്യേകിച്ച് വരണ്ട ചർമ്മമുള്ളവർക്ക് ഏറെ പ്രയോജനകരമാണ്.
എന്നാല് സ്വന്തം ചർമ്മത്തിന്റെ സ്വഭാവത്തിന് അനുയോജ്യമായ ഉല്പ്പന്നം തിരഞ്ഞെടുക്കുന്നതാണ് പ്രധാനമെന്ന് വിദഗ്ധർ പറയുന്നു.
കുളിച്ചതിന് ശേഷം ചർമ്മത്തിലെ സ്വാഭാവിക ഈർപ്പം കുറയാൻ സാധ്യതയുണ്ട്. ഈ സമയത്ത് മോയിസ്ചറൈസർ ഉപയോഗിക്കുന്നത് ചർമ്മത്തില് ഈർപ്പം നിലനിർത്താൻ സഹായിക്കും. വരണ്ട ചർമ്മമുള്ളവർക്ക് ക്രീം അല്ലെങ്കില് ഓയിന്റ്മെന്റ് അടിസ്ഥാനത്തിലുള്ള മോയിസ്ചറൈസറുകള് കൂടുതല് അനുയോജ്യമായേക്കാം.
എണ്ണമയമുള്ള ചർമ്മമുള്ളവർ മോയിസ്ചറൈസർ ഒഴിവാക്കേണ്ടതില്ല. പകരം, ഭാരം കുറഞ്ഞതും non-comedogenic ആയ ജെല് അല്ലെങ്കില് ലോഷൻ അടിസ്ഥാനത്തിലുള്ള ഉല്പ്പന്നങ്ങള് തിരഞ്ഞെടുക്കാം. മുഖക്കുരുവിന് സാധ്യതയുള്ളവർ ഉല്പ്പന്നത്തിന്റെ ഘടകങ്ങള് ശ്രദ്ധിച്ച് തിരഞ്ഞെടുക്കുന്നതും പ്രധാനമാണ്.
സെൻസിറ്റീവ് ചർമ്മമുള്ളവർ ശക്തമായ സുഗന്ധമുള്ള ഉല്പ്പന്നങ്ങള് ഒഴിവാക്കി fragrance-free മോയിസ്ചറൈസറുകള് പരിഗണിക്കാം. പുതിയൊരു ഉല്പ്പന്നം ഉപയോഗിക്കുന്നതിന് മുമ്പ് ചെറിയ ഭാഗത്ത് പരീക്ഷിക്കുന്നത് ചർമ്മപ്രതികരണം മനസ്സിലാക്കാൻ സഹായിക്കും.
മോയിസ്ചറൈസർ ഉപയോഗിക്കുന്നത് മാത്രം ചർമ്മസംരക്ഷണത്തിന് മതിയാകില്ല. ദിവസവും ആവശ്യത്തിന് വെള്ളം കുടിക്കുക, ആരോഗ്യകരമായ ഭക്ഷണക്രമം പാലിക്കുക, സൂര്യപ്രകാശത്തില് നിന്ന് ചർമ്മത്തെ സംരക്ഷിക്കുക തുടങ്ങിയ കാര്യങ്ങള്ക്കും പ്രാധാന്യമുണ്ട്.
മോയിസ്ചറൈസർ ഉപയോഗിച്ചതിന് ശേഷം ചുവപ്പ്, വീക്കം, കഠിനമായ ചൊറിച്ചില്, പൊള്ളല് തുടങ്ങിയ അസ്വസ്ഥതകള് അനുഭവപ്പെട്ടാല് ഉപയോഗം നിർത്തി വിദഗ്ധരുടെ ഉപദേശം തേടണം. ചർമ്മത്തിന്റെ സ്വഭാവത്തിനും ആവശ്യത്തിനും അനുയോജ്യമായ മോയിസ്ചറൈസർ തിരഞ്ഞെടുക്കുന്നതാണ് ആരോഗ്യകരമായ ചർമ്മസംരക്ഷണത്തിന്റെ പ്രധാന ഭാഗം.