ഗ്രാമിന് 70 രൂപയുടെ കുറവോടെ 14,305 രൂപയ്ക്കാണ് ഇന്ന് വ്യാപാരം നടക്കുന്നത്. ആഗോള വിപണിയിലെ മാറ്റങ്ങള്‍ക്കനുസരിച്ച്‌ വില കുറയുന്നത് വിവാഹ ആവശ്യങ്ങള്‍ക്കായി സ്വർണം വാങ്ങാനിരിക്കുന്നവർക്ക് വലിയ ആശ്വാസമാണ് നല്‍കുന്നത്. 2026 ജനുവരി 29-ന് രേഖപ്പെടുത്തിയ പവന് 1,31,160 രൂപയെന്ന റെക്കോർഡ് നിരക്കില്‍ നിന്നും ഇപ്പോള്‍ വില ഏറെ താഴേക്ക് വന്നിട്ടുണ്ട്.

മറ്റ് കാരറ്റുകളിലുള്ള സ്വർണത്തിനും വെള്ളി വിലയ്ക്കും ഇന്ന് ഇടിവ് സംഭവിച്ചിട്ടുണ്ട്. 18 കാരറ്റ് സ്വർണം ഗ്രാമിന് 55 രൂപ കുറഞ്ഞ് 11,755 രൂപയിലും, 14 കാരറ്റ് സ്വർണം ഗ്രാമിന് 45 രൂപ കുറഞ്ഞ് 9,155 രൂപയിലുമാണ് എത്തിനില്‍ക്കുന്നത്. ഏറ്റവും കുറഞ്ഞ നിരക്കുള്ള 9 കാരറ്റ് സ്വർണ്ണത്തിന് ഗ്രാമിന് 5,900 രൂപയാണ് ഇന്നത്തെ വില. സ്വർണത്തിനൊപ്പം സാധാരണക്കാർക്ക് ആശ്വാസമേകി വെള്ളി വിലയും കുറഞ്ഞിട്ടുണ്ട്. ഒരു ഗ്രാം വെള്ളിയുടെ ഇന്നത്തെ വില 275 രൂപയാണ് (10 ഗ്രാമിന് 2,750 രൂപ).