എറണാകുളം: പറക്കടവ് പഞ്ചായത്തിലെ മള്ളുശ്ശേരി ഗവണ്മെന്റ് എല് പി സ്കൂളില് ഗ്ലാസ് റൂഫ് തകർന്നു വീണു. വാർഡ് മെമ്പർക്കും മൂന്ന് കുട്ടികള്ക്കും പരിക്കേറ്റു.
രണ്ടാം ക്ലാസ് വിദ്യാര്ഥികള്ക്കാണ് പരുക്കേറ്റത് .ചില്ലുകള് തെറിച്ച് വീണാണ് മൂന്ന് കുട്ടികള്ക്ക് നിസാര പരുക്കേറ്റത്. ഇവരെ പ്രാഥമിക ചികിത്സ നല്കി വീട്ടിലേക്ക് വിട്ടയച്ചു. ഒരാഴ്ച മുൻപാണ് ഗ്ലാസ് റൂഫിന്റെ പണി പൂർത്തിയായത്. സ്കൂള് വരാന്തയില് സ്ഥാപിച്ചിരുന്ന ഗ്ലാസ് റൂഫ് ആണ് തകർന്ന് വീണത്.
അസംബ്ലിയ്ക്ക് തൊട്ടുമുന്പാണ് ഗ്ലാസ് റൂഫ് തകര്ന്നുവീണത്. രാവിലെ 9.50ഓടുകൂടിയാണ് അപകടം സംഭവിച്ചത്. നിര്മാണത്തില് അപാകതകള് ഉണ്ടെന്ന ആരോപണം രക്ഷകര്ത്താക്കളും ഉയര്ത്തിയിരുന്നു. പിന്നാലെയാണ് ഇന്ന് രാവിലെ ഗ്ലാസ് റൂഫ് തകര്ന്ന് വീണത്.

