താരന് പലരേയും അലട്ടുന്ന പ്രധാനപ്പെട്ട ഒരു പ്രശ്നമാണ്. ഇത് ഫംഗല് ഇന്ഫെക്ഷനാണ്. മുടിയുടെ ആരോഗ്യത്തെ മാത്രമല്ല, പലപ്പോഴും ചര്മത്തിന് പോലും ദോഷം വരുത്തുന്ന ഒന്നാണ് ഇത്.
താരന് വര്ദ്ധിച്ചാല് ചര്മപ്രശ്നങ്ങളുണ്ടാകും. പലപ്പോഴും ചര്മത്തില് ചൊറിച്ചിലും പുരികം കൊഴിയലുമെല്ലാം ഇതുണ്ടാക്കും. ഇതിന് പരിഹാരമായി ചെയ്യാവുന്ന ചില വീട്ടുവൈദ്യങ്ങളുമുണ്ട്. ഇത്തരത്തില് ചിലതിനെ കുറിച്ചറിയാം.
കടുകരച്ച്
കടുകരച്ച്
ഇതില് അടുക്കളയില് ഉപയോഗിയ്ക്കുന്ന പല ചേരുവകളും ഗുണം നല്കും. ഇതിലൊന്നാണ്. കടുക്. കടുകരച്ച് തലയില് പുരട്ടുന്നത് ഏറെ ഗുണം നല്കും. ഇത് ശിരോചര്മത്തില് പുരട്ടുമ്പോള് അല്പം ചൊറിച്ചില് അനുഭവപ്പെടുന്നത് സാധാരണമാണ്. ഇത്തരം പ്രശ്നമെങ്കില് അല്പം തൈരില് കലക്കി ഇത് ശിരോചര്മത്തില് പുരട്ടുന്നത് ഏറെ ഗുണം നല്കും.
ആര്യവേപ്പില
ആര്യവേപ്പില
ആര്യവേപ്പില നല്ലൊരു പരിഹാരമാണ്. ഇതും അരച്ചു തലയില് പുരട്ടാം. ഇത് അരച്ച് തൈരില് കലര്ത്തി മുടിയില് തേച്ചു പിടിപ്പിച്ച് കഴുകാം. ആര്യവേപ്പിലയിട്ട് തിളപ്പിച്ചാറ്റിയ വെള്ളം കൊണ്ട് തല കഴുകുന്നതും നല്ലതാണ. ഇത് തലയില് പുരട്ടിയും വയ്ക്കാം. ഫംഗല് ബാധകളെ ചെറുക്കാന് കഴിയുന്ന ഒന്നാണ് ഇതും.
ഉലുവ
ഉലുവ
ഉലുവ മറ്റൊരു പരിഹാരമാണ്. ഇതിന് ഫംഗല് ഇന്ഫെക്ഷനുകളെ ചെറുക്കാന് സാധിയ്ക്കും. ഉലുവ കുതിര്ത്തി തലയില് പുരട്ടാം. ഇത് തൈരില് ചേര്ത്തും പുരട്ടാം. ഇത് ആഴ്ചയില് രണ്ടുമൂന്ന് ദിവസം പുരട്ടാം. മുടിയിലെ അഴുക്കു കളയാനും ഷാംപൂ ഗുണം നല്കാനും ഇതേറെ ഗുണകരമാണ്.