ഉല്‍പ്പാദനക്ഷമത, സർഗാത്മക പ്രവർത്തനങ്ങള്‍, വിനോദം, സ്മാർട്ട് ഹോം നിയന്ത്രണം എന്നിവ ഒരൊറ്റ ഉപകരണത്തില്‍ സാധ്യമാക്കുന്ന തരത്തിലാണ് ഗാലക്‌സി ടാബ് എസ്10+ രൂപകല്‍പ്പന ചെയ്തിരിക്കുന്നത്. 31.47 സെ.മീ. ഡൈനാമിക് അമോലെഡ് 2X ഡിസ്‌പ്ലേയും പ്രതിഫലനം കുറയ്ക്കുന്ന സാങ്കേതികവിദ്യയും മികച്ച ദൃശ്യാനുഭവം നല്‍കുന്നു. എ.ഐ. ഡയലോഗ് ബൂസ്റ്റ് സംവിധാനമുള്ള ക്വാഡ് സ്പീക്കർ, ഐ.പി.68 പൊടി-ജല പ്രതിരോധം, ആർമർ അലുമിനിയം നിർമാണം എന്നിവയും ടാബിന്റെ പ്രധാന സവിശേഷതകളാണ്.

എസ് പെൻ ഉപയോഗിച്ച്‌ യോഗത്തിലെ കുറിപ്പുകള്‍ തയ്യാറാക്കാനും രേഖകളില്‍ അടയാളപ്പെടുത്താനും സ്കെച്ചുകള്‍ വരയ്ക്കാനും കഴിയും. നോട്ട് അസിസ്റ്റ് എ.ഐ. ഉപയോഗിച്ച്‌ കുറിപ്പുകള്‍ പകർത്തിയെഴുതാനും ചുരുക്കാനും സഹായിക്കുന്നു. പി.ഡി.എഫ്. ഓവർലേ ട്രാൻസ്ലേഷൻ വഴി സ്ക്രീനില്‍ തന്നെ പി.ഡി.എഫ്. രേഖകള്‍ പരിഭാഷപ്പെടുത്താം. ഹാൻഡ്‌റൈറ്റിംഗ് ഹെല്‍പ്പ് കൈയെഴുത്ത് കുറിപ്പുകള്‍ വൃത്തിയുള്ള രൂപത്തിലാക്കുന്നു. സർക്കിള്‍ ടു സെർച്ച്‌ ഉപയോഗിച്ച്‌ ആപ്പുകള്‍ മാറ്റാതെ സ്ക്രീനിലുള്ള വിവരങ്ങള്‍ തിരയാനും പരിഭാഷപ്പെടുത്താനും കഴിയും. എ.ഐ. ഉള്‍പ്പെടുത്തിയ എയർ കമാൻഡ് വഴി ഗാലക്‌സി എ.ഐ. അസിസ്റ്റന്റ് സവിശേഷതകളിലേക്കും വേഗത്തില്‍ പ്രവേശിക്കാം. അനുയോജ്യമായ അനുഭവങ്ങളില്‍ സാംസങ് ബിക്സ്ബിയോ ഗൂഗിള്‍ ജെമിനിയോ തിരഞ്ഞെടുക്കാനുള്ള സൗകര്യവും ഗാലക്‌സി എ.ഐ. സംവിധാനത്തിലുണ്ട്.

സ്മാർട്ട് ഹോം ഹബ്ബായും ഗാലക്‌സി ടാബ് എസ്10+ ഉപയോഗിക്കാം. സ്മാർട്ട് തിങ്സിലെ 3ഡി മാപ്പ് വ്യൂ ഉപയോഗിച്ച്‌ കണക്റ്റുചെയ്‌ത ഉപകരണങ്ങള്‍ ഒരൊറ്റ സ്ക്രീനില്‍ നിരീക്ഷിക്കാം. സ്മാർട്ട് തിങ്സ് എനർജിയും എ.ഐ. എനർജി മോഡും വൈദ്യുതി ഉപയോഗത്തെക്കുറിച്ചുള്ള വിവരങ്ങള്‍ നല്‍കുന്നു. മീഡിയടെക് ഡൈമെൻസിറ്റി 9300+ പ്രോസസറാണ് ടാബിന് കരുത്തേകുന്നത്. 12 ജി.ബി. റാമും 256 ജി.ബി. സ്റ്റോറേജും മൈക്രോ എസ്.ഡി. കാർഡ് വഴി വികസിപ്പിക്കാവുന്നതാണ്. 10,090 എം.എ.എച്ച്‌ ബാറ്ററിയും 45 വാട്ട് ഫാസ്റ്റ് ചാർജിങ്ങും ലഭ്യമാണ്.

ഉത്സവകാല ഓഫറിന്റെ ഭാഗമായി 12 ജി.ബി. റാം, 256 ജി.ബി. സ്റ്റോറേജുള്ള ഗാലക്‌സി ടാബ് എസ്10+ വൈ-ഫൈ പതിപ്പ് ₹1,05,999ല്‍ നിന്ന് ₹88,999നും 5ജി പതിപ്പ് ₹1,20,999ല്‍ നിന്ന് ₹1,03,999നും ലഭിക്കും. ബാങ്കുകള്‍ വഴി ആറ് മാസത്തേക്കും എൻ.ബി.എഫ്.സി.കള്‍ വഴി 12 മാസത്തേക്കും നോ-കോസ്റ്റ് ഇ.എം.ഐ. സൗകര്യമുണ്ട്. വൈ-ഫൈ പതിപ്പിന് ബാങ്ക് ഇ.എം.ഐ. പ്രതിമാസം ₹14,833 മുതലും എൻ.ബി.എഫ്.സി. ഇ.എം.ഐ. ₹7,417 മുതലും സാംസങ് ഫിനാൻസ് പ്ലസ് വഴി 15 ശതമാനം ഡൗണ്‍ പേയ്‌മെന്റോടെ ₹6,877 മുതലുമാണ്. 5ജി പതിപ്പിന് യഥാക്രമം ₹17,333, ₹8,667, ₹8,036 എന്നിങ്ങനെയാണ് പ്രതിമാസ ഇ.എം.ഐ. നിരക്കുകള്‍.