അടുത്ത മൂന്ന് ദിവസവും 14 ജില്ലകളില്‍ മഴ മുന്നറിയിപ്പുണ്ട്. മധ്യകേരളത്തിലും വടക്കൻ കേരളത്തിലും ശക്തമായ മഴ തുടരാൻ സാധ്യതയുള്ളതിനാല്‍ മലയോര മേഖലകളില്‍ ജാഗ്രത തുടരണമെന്ന് അധികൃതർ അറിയിച്ചു.

മഴക്കെടുതിയില്‍ സംസ്ഥാനത്ത് ഇതുവരെ 26 പേർ മരിച്ചു. 27,048 പേരാണ് 462 ദുരിതാശ്വാസ ക്യാമ്പുകളിലായി കഴിയുന്നത്. പത്ത് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചിട്ടുണ്ട്.കനത്ത മഴയില്‍ 53 വീടുകള്‍ പൂർണമായും 588 വീടുകള്‍ ഭാഗികമായും തകർന്നു. സംസ്ഥാനത്ത് ഇതുവരെ 67.44 കോടി രൂപയുടെ നാശനഷ്ടമുണ്ടായതായി മുഖ്യമന്ത്രി അറിയിച്ചു.ജലനിരപ്പ് ഉയർന്നതിനെ തുടർന്ന് സംസ്ഥാനത്തെ 14 ഡാമുകള്‍ തുറന്നിട്ടുണ്ട്. മഴ സാഹചര്യം കണക്കിലെടുത്ത് ദുരിതബാധിത മേഖലകളില്‍ നിരീക്ഷണം ശക്തമാക്കിയിരിക്കുകയാണ്.