ഈദ് അവധി ദിവസങ്ങളിലെ പാര്ക്കിങ് സൗകര്യം സൗജന്യമാക്കി അബുദാബി. ഈദ് അവധി ആരംഭിക്കുന്ന മെയ് 11 ചൊവ്വാഴ്ച മുതല് അബുദാബിയിലെ പൊതു സ്ഥലങ്ങളിലെ പാര്ക്കിംഗ് സൗജന്യമായിരിക്കും, അവധിക്കാലത്ത് ഡാര്ബ് ടോളുകളൊന്നും ഉണ്ടാവില്ല. ഔദ്യോഗിക അവധി അവസാനിക്കുന്ന ശവ്വാല് 3 വരെ സൗജന്യ പാര്ക്കിംഗ് തുടരുമെന്ന് എമിറേറ്റിന്റെ ട്രാന്സ്പോര്ട്ട് റെഗുലേറ്റര് പ്രസ്താവനയില് അറിയിച്ചു.
മുസഫ ഇന്ഡസ്ട്രിയല് ഏരിയയിലെ എം 18 പാര്ക്കിംഗ് ലോട്ടിലും ഈദ് അവധിക്കാലത്ത് പാര്ക്കിംഗ് സൗജന്യമായിരിക്കുമെന്ന് ഐടിസി അറിയിച്ചു.വെള്ളിയാഴ്ച ഒഴികെയുള്ള എല്ലാ ദിവസവും രാവിലെ 7 മുതല് 9 വരെയും വൈകുന്നേരം 5 മുതല് 7 വരെയും ഡാര്ബ് ടോള് വീണ്ടും നടപ്പാക്കും.
എല്ലാ ദിവസവും രാത്രി 9 മുതല് രാവിലെ 8 വരെ റെസിഡന്ഷ്യല് ഏരിയ പാര്ക്കിംഗ് മാര്ഗ്ഗനിര്ദ്ദേശങ്ങള് ഉള്പ്പെടെ എല്ലാ പാര്ക്കിംഗ്, ട്രാഫിക് നിയന്ത്രണങ്ങളും പാലിക്കണമെന്ന് ഐടിസി അറിയിപ്പില് പറഞ്ഞു. അതേസമയം,ഔദ്യോഗിക അവധിക്കാല ഷെഡ്യൂള് പ്രകാരം പൊതു ബസുകള് സര്വീസ് നടത്തും.
English Summary : Abu Dhabi offers free parking for Eid holidays