പ്രഭാതഭക്ഷണത്തില്‍ ഇഡ്‌ലിയുടെയോ ദോശയുടെയോ കൂടെ ഇനി ഒരു പുതു രുചി പരീക്ഷിക്കാം? തക്കാളിയുടെ ചെറിയ പുളിയും തേങ്ങയുടെ നാടൻ രുചിയും ചേർന്നുള്ള രുചിക്കൂട്ട്

ആവശ്യമായ ചേരുവകള്‍

തക്കാളി - 2 എണ്ണം (മുറിച്ചത്)

തേങ്ങ ചിരവിയത് - 1/2 കപ്പ്

ഉണക്കമുളക് - 3 എണ്ണം

ചെറിയ ഉള്ളി - 5-6 എണ്ണം

വെളുത്തുള്ളി - 2 അല്ലി

പുളി - ചെറിയ കുരു

ഉപ്പ് - ആവശ്യത്തിന്

വെളിച്ചെണ്ണ - 1 ടിസ്പൂണ്‍

തയാറാക്കുന്ന വിധം

ഒരു പാനില്‍ വെളിച്ചെണ്ണ ചൂടാക്കി ഉണക്കമുളക്, ഉള്ളി, വെളുത്തുള്ളി എന്നിവ നന്നായി വഴറ്റുക.ശേഷം തക്കാളി ചേർത്ത് മൃദുവാകുന്നത് വരെ വഴറ്റുക.അവസാനം തേങ്ങ ചേർത്ത് ലൈറ്റ് ഗോള്‍ഡൻ കളർ വരുന്നത് വരെ ഒന്ന് കൂടി ചൂടാക്കുക . ഇത് തണുത്ത ശേഷം മിക്സിയില്‍ ഇട്ട് പുളിയും ഉപ്പും ചേർത്ത് അരക്കുക.ശേഷം ആവശ്യത്തിന് വെള്ളം ചേർത്ത് കുറുക്കിയെടുക്കാം. ശേഷം വെളിച്ചെണ്ണ ചൂടാക്കി കടുകും കറിവേപ്പിലയും വറ്റല്‍മുളകും ചേർത്ത് താളിച്ച്‌ ചേർക്കാം. ടേസ്റ്റി ചമ്മന്തി റെഡി.