കരിപ്പൂർ വിമാനത്താവളത്തില് എട്ട് മാസം പ്രായമുള്ള കുഞ്ഞിന്റെ ഡയപ്പറില് ഒളിപ്പിച്ച നിലയിലും സ്വർണം കണ്ടെത്തി.
റാസല് ഖൈമയില് നിന്ന് കരിപ്പൂരിലെത്തിയ പൊന്നാനി സ്വദേശിയില് നിന്നും എട്ട് മാസം പ്രായമുള്ള കുഞ്ഞില് നിന്നുമാണ് ഏകദേശം ഒരു കോടി രൂപ വിലമതിക്കുന്ന സ്വർണം ഡയറക്ടറേറ്റ് ഓഫ് റവന്യൂ ഇന്റലിജൻസ് പിടികൂടിയത്.
പിതാവും മൂന്ന് മക്കളുമാണ് റാസല് ഖൈമയില് നിന്ന് കരിപ്പൂരിലെത്തിയത്. കുഞ്ഞിന്റെ ഡയപ്പറില് ഒളിപ്പിച്ച നിലയിലായിരുന്നു ഒരു ഭാഗം സ്വർണം. പിതാവിൻ്റെ ദേഹത്ത് ഒളിപ്പിച്ച മിശ്രിത രൂപത്തിലുള്ള സ്വർണവും പിടികൂടിയിട്ടുണ്ട്.
രഹസ്യവിവരത്തിന്റെ അടിസ്ഥാനത്തില് കോഴിക്കോട് നിന്നെത്തിയ ഡിആർഐ സംഘമാണ് പരിശോധന നടത്തിയത്. സംഭവത്തില് കൂടുതല് അന്വേഷണം തുടരുകയാണ്.