കെ.എം.സി.സി ഉള്‍പ്പെടെയുള്ള പാർട്ടി പോഷക സംഘടനകളുടെ എല്ലാ ചുമതലകളില്‍ നിന്നും ഇയാളെ ഒഴിവാക്കിയതായി മുസ്‌ലിം ലീഗ് സംസ്ഥാന കമ്മിറ്റി അറിയിച്ചു. കേസുമായി ബന്ധപ്പെട്ടവരെ സംരക്ഷിക്കില്ലെന്ന് കഴിഞ്ഞ ദിവസം വ്യക്തമാക്കിയിരുന്നു.

കേസില്‍ കീഴടങ്ങിയ നാലാം പ്രതി ബാലകൃഷ്ണന്റെ മൊഴിയിലും മുഖ്യപ്രതി ബോംബെ ഷാജിയുടെ ശബ്ദസന്ദേശത്തിലും റസാഖ് റൊട്ടാനയുടെ പേര് പരാമർശിച്ചിരുന്നു. അതേസമയം ആരോപണങ്ങള്‍ റസാഖ് നിഷേധിച്ചു. 2025 സെപ്റ്റംബർ 18-നാണ് അല്‍ തുമാമയിലെ കെ.എം.സി.സി ഓഫീസിലെ സ്ട്രോങ് റൂം തകർത്ത് സ്നേഹ സുരക്ഷാ പദ്ധതിക്കായി ശേഖരിച്ച എട്ട് കോടിയോളം ഇന്ത്യൻ രൂപ കവർന്നത്. സംഭവത്തില്‍ ഖത്തർ പോലീസും കേരളത്തിലെ കൊയിലാണ്ടി പോലീസും അന്വേഷണം ശക്തമാക്കിയിട്ടുണ്ട്.