32 വർഷങ്ങള്ക്ക് ശേഷം മമ്മൂട്ടിയും അടൂർ ഗോപാലകൃഷ്ണനും ഒന്നിക്കുന്ന 'പദയാത്ര' എന്ന ചിത്രത്തിന്റെ ട്രെയ്ലർ പുറത്തുവന്നു.
ചിത്രത്തില് ഒരു ഡോക്ടറുടെ കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. 'അനന്തരം', 'മതിലുകള്', 'വിധേയൻ' എന്നീ ക്ലാസിക് ചിത്രങ്ങള്ക്ക് ശേഷം ഇരുവർഷങ്ങള്ക്കും ശേഷമാണ് ഇരുവരും വീണ്ടും ഒന്നിക്കുന്നത്.
അടൂർ ഗോപാലകൃഷ്ണനും കെ.വി. മോഹൻകുമാറും ചേർന്ന് തിരക്കഥയൊരുക്കിയ ചിത്രം ഒരു പീരിയഡ് ഡ്രാമയായാണ് നിർമിച്ചിരിക്കുന്നത്. സാമൂഹിക പ്രസക്തിയുള്ള വിഷയമാണ് ചിത്രം കൈകാര്യം ചെയ്യുന്നതെന്ന് ട്രെയ്ലർ സൂചന നല്കുന്നു. ഗ്രേസ് ആന്റണി, ഇന്ദ്രൻസ്, ജഗദീഷ്, അലൻസിയർ, മധുപാല് എന്നിവരും ചിത്രത്തില് മറ്റ് പ്രധാന വേഷങ്ങളിലെത്തുന്നുണ്ട്.
നിലവില് പോസ്റ്റ് പ്രൊഡക്ഷൻ ഘട്ടത്തിലുള്ള ചിത്രം ദുല്ഖർ സല്മാന്റെ വേഫെറർ ഫിലിംസ് ആണ് തിയേറ്ററുകളില് എത്തിക്കുന്നത്. ഷെഹ്നാദ് ജലാല് ഛായാഗ്രഹണവും മുജീബ് മജീദ് സംഗീത സംവിധാനവും നിർവഹിക്കുന്നു.