എങ്കിലും ഇവ കാർബോഹൈഡ്രേറ്റ് അടങ്ങിയതായതിനാല്‍ മിതമായ അളവില്‍ മാത്രം കഴിക്കാൻ ശ്രദ്ധിക്കണം.

1. റാഗി - ഈന്തപ്പഴം പായസം

• ആവശ്യമായ ചേരുവകള്‍: റാഗിപ്പൊടി (അര കപ്പ്), പാല്‍ (2 കപ്പ്), ഈന്തപ്പഴം (6-8 എണ്ണം), ഏലക്കാപ്പൊടി (അര ടീസ്പൂണ്‍), ബദാം/പിസ്ത, നെയ്യ് (1 ടീസ്പൂണ്‍).
• തയ്യാറാക്കുന്ന വിധം: കുരു കളഞ്ഞ ഈന്തപ്പഴം ചൂടുവെള്ളത്തില്‍ 20 മിനിറ്റ് കുതിർത്ത ശേഷം അരച്ചെടുക്കുക. റാഗിപ്പൊടി അല്പം വെള്ളത്തില്‍ കട്ടയില്ലാതെ കലക്കുക. തിളപ്പിച്ച പാലിലേക്ക് റാഗി മിശ്രിതം ചേർത്ത് ചെറിയ തീയില്‍ ഇളക്കി വേവിക്കുക. റാഗി വെന്തശേഷം ഈന്തപ്പഴ പേസ്റ്റ്, ഏലക്കാപ്പൊടി, നെയ്യ്, വറുത്ത നട്സ് എന്നിവ ചേർത്ത് വാങ്ങാം.

2. ഓട്സ് - ചിയ സീഡ്സ് പായസം

• ആവശ്യമായ ചേരുവകള്‍: ഓട്സ് (അര കപ്പ്), പാല്‍ (2 കപ്പ്), ചിയ വിത്തുകള്‍ (1 ടേബിള്‍സ്പൂണ്‍), ഈന്തപ്പഴ പേസ്റ്റ്, ഏലക്കാപ്പൊടി, ബദാം.
• തയ്യാറാക്കുന്ന വിധം: ഓട്സ് പാലില്‍ നന്നായി വേവിച്ചെടുക്കുക. അതിലേക്ക് പാകത്തിന് ഈന്തപ്പഴ പേസ്റ്റ് ചേർത്തിളക്കുക. തീ അണച്ച ശേഷം ചിയ വിത്തുകളും ഏലക്കാപ്പൊടിയും നട്സും ചേർത്ത് വയ്ക്കുക. ചിയ വിത്തുകള്‍ കുതിർന്ന് കട്ടിയാകുമ്പോള്‍ പായസം ഉപയോഗിക്കാം.

3. ചെറുപയർ പായസം

• തയ്യാറാക്കുന്ന വിധം: പ്രോട്ടീൻ സമ്പന്നമായ ചെറുപയർ നന്നായി വേവിച്ച്‌, ശർക്കരയ്ക്ക് പകരം ഈന്തപ്പഴ പേസ്റ്റ് ചേർക്കുക. തേങ്ങാപ്പാല്‍ ഉപയോഗിക്കുന്നുണ്ടെങ്കില്‍ കലോറി നിയന്ത്രിക്കാൻ അളവ് കുറയ്ക്കുക.

പ്രമേഹരോഗികള്‍ ശ്രദ്ധിക്കേണ്ട പ്രധാന കാര്യങ്ങള്‍

• മിതത്വം അനിവാര്യം: ഹെല്‍ത്തി പായസമാണെങ്കിലും അളവ് കൂട്ടരുത്. പായസം കഴിക്കുന്ന ദിവസം മറ്റ് കാർബോഹൈഡ്രേറ്റ് വിഭവങ്ങള്‍ കുറയ്ക്കുക.
• ശർക്കരയും തേനും സുരക്ഷിതമല്ല: ശർക്കരയും തേനും പ്രകൃതിദത്തമാണെങ്കിലും രക്തത്തിലെ പഞ്ചസാരയുടെ അളവ് കൂട്ടും.
• നാരുകള്‍ അടങ്ങിയ ധാന്യങ്ങള്‍: റാഗി, ഓട്സ്, ചെറുപയർ എന്നിവ ഇൻസുലിൻ പെട്ടെന്ന് ഉയരുന്നത് തടയാൻ സഹായിക്കും.
• വ്യക്തിഗത ആരോഗ്യം: ഇൻസുലിൻ അല്ലെങ്കില്‍ മരുന്നുകള്‍ കഴിക്കുന്നവർ സ്വന്തം രക്തത്തിലെ പഞ്ചസാരയുടെ അളവ് പരിശോധിച്ച്‌ മാത്രം കഴിക്കുക.