16 മുതല്‍ 31 വയസ്സ് വരെ പ്രായമുള്ള വിദ്യാർത്ഥികള്‍ക്കാണ് ഈ ആനുകൂല്യം ലഭിക്കുക. 'STUDENT' എന്ന പ്രമോഷണല്‍ കോഡ് ഉപയോഗിച്ച്‌ 2027 മാർച്ച്‌ 31-നകം ടിക്കറ്റ് ബുക്ക് ചെയ്യുന്നവർക്കാണ് ഓഫർ ലഭ്യമാകുക.

യാത്ര ചെയ്യുന്നവർ ചെക്ക്-ഇൻ സമയത്ത് സാധുവായ സ്റ്റുഡന്റ് ഐഡി കാർഡോ സ്‌കൂള്‍ അധികൃതരുടെ കത്തോ ഹാജരാക്കേണ്ടതുണ്ട്. ഇക്കണോമി ക്ലാസ് ടിക്കറ്റുകള്‍ക്ക് 10 ശതമാനം വരെയും പ്രീമിയം ഇക്കണോമി, ബിസിനസ് ക്ലാസ് നിരക്കുകളില്‍ 5 ശതമാനം വരെയും കിഴിവ് ലഭിക്കും.

കൂടാതെ, യു.എസ്, കാനഡ ഒഴികെയുള്ള യാത്രകളില്‍ 10 കിലോഗ്രാം അധിക ബാഗേജ് അലവൻസും ലഭിക്കും. ഒപ്പം എമിറേറ്റ്സ് ആപ്പ് വഴിയും വെബ്‌സൈറ്റ് വഴിയും ക്രിപ്‌റ്റോകറൻസികള്‍ ഉപയോഗിച്ച്‌ ടിക്കറ്റ് ബുക്ക് ചെയ്യാനുള്ള സൗകര്യവും എയർലൈൻ അടുത്തിടെ അവതരിപ്പിച്ചിട്ടുണ്ട്.