യു.എ.ഇ ഈ വർഷം മുതല് 'യു.എ.ഇ ഇയർ ഓഫ് അവാർഡ്' എന്ന പേരില് പുതിയ ദേശീയ പുരസ്കാരം ഏർപ്പെടുത്തുന്നു.
ഓരോ വർഷവും രാജ്യം പ്രഖ്യാപിക്കുന്ന വാർഷിക പ്രമേയങ്ങളുമായി ബന്ധപ്പെട്ട് മികച്ച സംഭാവനകള് നല്കുന്ന വ്യക്തികളെയും സ്ഥാപനങ്ങളെയും ആദരിക്കാനാണ് ഈ അവാർഡ് നല്കുന്നത്. യു.എ.ഇ പ്രസിഡന്റാണ് പുരസ്കാര പ്രഖ്യാപനം നടത്തിയത്.
ഈ വർഷം യു.എ.ഇ 'കുടുംബ വർഷമായി' (Year of the Family) ആചരിക്കുന്നതിനാല്, ആദ്യ ഘട്ടത്തില് കുടുംബങ്ങള്ക്കാണ് പുരസ്കാരത്തിനായി അപേക്ഷിക്കാൻ അവസരം. പ്രചോദനാത്മകമായ സ്വന്തം കുടുംബ കഥകള് www.uaeyearof.ae എന്ന ഔദ്യോഗിക വെബ്സൈറ്റ് വഴി പങ്കുവെക്കാം. സെപ്റ്റംബർ 10 വരെയാണ് അപേക്ഷകള് സമർപ്പിക്കാനാവുക.