വിഡി സതീശൻ: പിണറായി വിജയൻ മുഖ്യമന്ത്രി ആയ ശേഷമാണ് കേരളം തന്നെ ഉണ്ടായതെന്ന നിലയില്‍ വാഴ്‌ത്തുപാട്ട് പാടുന്ന സംഘമാവാം മുഖ്യമന്ത്രിക്ക് ഇങ്ങനെയെക്കെ എഴുതി കൊടുക്കുന്നത്. പിണറായി കാലം വികസന ക്ഷേമ പ്രവർത്തനങ്ങളുടെ വസന്തകാലം എന്നും മറ്റും മുഖ്യമന്ത്രി പറയുമ്പോള്‍ എല്ലാ നി ലക്കും ജവിതം ദുസ്സഹമായ തങ്ങളെ മുഖ്യമന്തി പരിഹസിക്കുകയാണെന്നാണ് ജനങ്ങള്‍ കരുതുന്നത്. സധാരണ ജനങ്ങളുടെ വികാരം അറിയാൻ കഴിയാത്തവിധം സർക്കാരും പാർട്ടിയും ജനങ്ങളില്‍ നിന്നെത്രമാത്രം അകന്നു പോയി എന്നതിന് മറ്റാരു തെളിവ് ആവശ്യമില്ല. വിവിധ ഉപതിരഞ്ഞെടുപ്പുകള്‍, ലോകസഭാ ഇലക്ഷൻ, തദ്ദേശസ്ഥാപന ഇലക്ഷൻ ഇതിലെല്ലാം പ്രകടിപ്പിക്കപ്പെട്ട സർക്കാരിനോടുള്ള ജനരോഷം മൂന്നു മാസം കൊണ്ട് മാറിയെന്ന് സാമാന്യബുദ്ധിയുള്ളവർക്കു ചിന്തിക്കാൻ കഴിയുമോ? തദ്ദേശ ഇലക്ഷനു ശേഷം ജനങ്ങളെ തെറ്റിദ്ധരിപ്പിക്കാൻ വേണ്ടി ഖജനാവിലെ പണം ധൂർത്തടിച്ച്‌ നടത്തിയ കേരള ചരിത്രത്തിലെ സമാനതകളില്ലാത്ത പരസ്യ പ്രചാരണം, മുഖ്യമന്തിയുടെ മാത്രം തലവെച്ച്‌ കേരളത്തിലങ്ങോളം ഇങ്ങോളം സ്ഥാപിച്ചിട്ടുള്ള പടുകൂറ്റൻ ഹോർഡിംഗ് കള്‍ ,അധികാര ദുർവിനിയോഗം, സ്വജന പക്ഷ പാദം. സമുദായ പ്രീണനം, നാല് വോട്ടിനു വേണ്ടിയുള്ള അവസരവാദ വർഗ്ഗീയ കൂട്ടുകെട്ട് ഇതുകൊണ്ടെല്ലാം തുടർ ഭരണം കിട്ടുമെന്ന് അവർ ദിവാസ്വപ്നം കാണുകയാണ്. അതെല്ലാം അവർക്ക് ദോഷം ചെയ്തിട്ടേയുള്ളു. മാത്രമോ? ശബരിമല സ്വർണ്ണ കൊള്ളക്കുപിന്നാലെ നടന്ന ആഗോള അയ്യപ്പ സംഗമത്തിൻ്റെ സംഘാടനത്തിലും വെട്ടിപ്പ് കണ്ടുപിടിച്ചത്. ഒരു മന്ത്രിയുടെ ലീലാവിലാസങ്ങള്‍ ഭാര്യ വിളിച്ചു പറഞ്ഞത്, ഇതെല്ലാം കണ്ടും കേട്ടും മടുത്ത ജനം തദ്ദേശ ഇലക്ഷനേക്കാള്‍ ആവേശത്തിലാണ് ഈ സർക്കാരിനെ പുറത്താക്കാൻ. ഒരു സംശയവും വേണ്ട 100 ലധികം സീറ്റുമായി ടീം യുഡിഎഫ് കേരളത്തില്‍ അധികാരത്തിലെത്തും.

ചോദ്യം : യുഡിഎഫ് അധികാരത്തില്‍ എത്തിയില്ലങ്കില്‍ വിഡി സതീശന് വാക്കുപാലിക്കേണ്ടിവരും എന്നാണ് കെ സുധാകരൻ പറഞത്. ?

വിഡി സതീശൻ : ഞാൻ ഒരു കാര്യം പറഞ്ഞാല്‍ ആ നിലപാടില്‍ നിന്നു പിന്നോക്കം പോകാറില്ല. യുഡിഎഫ് നെ അധികാരത്തില്‍ തിരിച്ചു കൊണ്ടു വരുന്നതിനു വേണ്ടിയാണ് പ്രതിപക്ഷ നേതാവിൻ്റെ ചുമതല എ ഐ സി സി എന്നെ ഏല്പിച്ചത്. അതിനു സാധിച്ചില്ലങ്കില്‍ പിന്നെ ഞാൻ സജീവ രാഷ്ട്രീയത്തിലുണ്ടാവില്ല. നിങ്ങള്‍ നോക്കിക്കോളൂ യുഡിഎഫ് ന് അനുകൂലമായ തരംഗം കേരളത്തിലാഞ്ഞടിക്കുന്നതു നിങ്ങള്‍ക്കു കാണാൻ സാധിക്കും.