Monday, 14 Jun, 6.16 pm കെ വാര്‍ത്ത

ലേറ്റസ്റ്റ് ന്യൂസ്‌
'ആട്ടിന്‍തോലിട്ട പുരോഗമന കോമാളികള്‍' മീ ടു ആരോപണത്തിനിരയായ മലയാളി റാപെര്‍ സോഷ്യല്‍ മീഡിയയില്‍ മാപ്പ് പറഞ്ഞതിനെ അനുകൂലിച്ചവര്‍ക്കെതിരെ ഫേസ്ബുക് പോസ്റ്റുമായി സംവിധായകന്‍ ഒമര്‍ ലുലു

കൊച്ചി: ( 14.06.2021) മലയാളം സിനിമയില്‍ പ്രവര്‍ത്തിക്കുന്ന ചലച്ചിത്ര സംവിധായകനാണ് ഒമര്‍ അബ്ദുല്‍ വഹാബ്. 2016ല്‍ ഹാപി വെഡിംഗിലൂടെയാണ് അദ്ദേഹം സംവിധായകനായി അരങ്ങേറ്റം കുറിച്ചത്. സോഷ്യല്‍ മീഡിയയില്‍ സജീവമാണ് ഇദ്ദേഹം. എന്നാല്‍ മീ ടു ആരോപണ വിധേയനായ മലയാളി റാപെര്‍ വേടന്‍ മാപ്പ് പറഞ്ഞതിനെ ലൈക്‌ അടിച്ചു സപോര്‍ട് നിന്നവര്‍ക്കെതിരെ കടുത്ത ആരോപണവുമയാണ് അദ്ദേഹം ഇപ്പോള്‍ രംഗത്ത് വന്നിരിക്കുന്നത്.

പുരോഗമന കോമാളികള്‍ എന്ന് തന്നെ വേണം ഇവറ്റകളെ വിശേഷിപ്പിക്കാന്‍. അഥവാ ഇരയാകുന്ന സ്ത്രീകളെ ഉപയോഗപ്പെടുത്തി മാര്‍കെറ്റ്‌ കൂട്ടുകയും ഇഷ്ടക്കാര്‍ പീഡന വിഷയത്തില്‍ ഉള്‍പെടുമ്ബോള്‍ ഈ ഇരപക്ഷപാതം ആവിയായിപ്പോവുകയും ചെയ്യുന്നവരെ മറ്റ്‌ എന്ത്‌ വിളിക്കണം? ദിലീപ്‌ വിഷയത്തില്‍ അദ്ദേഹം പ്രതിയാണെന്ന് നേരത്തെ ഗണിച്ച്‌ കണ്ടെത്തിയവര്‍, അദ്ദേഹം പ്രതിയാകണമെന്ന് ഏറ്റവും കൊതിച്ചിരിക്കുന്നവര്‍ തന്നെയാണ്‌, മറ്റൊരു പീഡനക്കേസ്‌ പ്രതി കുറ്റസമ്മതം നടത്തിയപ്പോള്‍ അതിനെ ലൈകടിച്ച്‌ പിന്തുണക്കുന്നവര്‍! എന്നുമാണ് താരം ഫേസ്ബുകില്‍ കുറിച്ചിരിക്കുന്നത്.



ഒമര്‍ ലുലുവിന്റെ ഫേസ്ബുക് പോസ്റ്റിന്റെ പൂര്‍ണ രൂപം

ആട്ടിന്‍തോലിട്ട പുരോഗമന കോമാളികള്‍

പീഡനാരോപണം നേരിട്ട്‌ അതിനു മാപ്പ്‌ ചോദിച്ചുകൊണ്ട്‌ വേടന്‍ ഇന്‍സ്റ്റാഗ്രാമില്‍ ഇട്ട പോസ്റ്റില്‍ ലൈക് ചെയ്തത്‌ മലയാളത്തിലെ പ്രമുഖരായ 'പുരോഗമന കോമാളികള്‍.'

പുരോഗമന കോമാളികള്‍ എന്ന് തന്നെ വേണം ഇവറ്റകളെ വിശേഷിപ്പിക്കാന്‍. അഥവാ ഇരയാകുന്ന സ്ത്രീകളെ ഉപയോഗപ്പെടുത്തി മാര്‍കെറ്റ്‌ കൂട്ടുകയും ഇഷ്ടക്കാര്‍ പീഡന വിഷയത്തില്‍ ഉള്‍പെടുമ്ബോള്‍ ഈ ഇരപക്ഷപാതം ആവിയായിപ്പോവുകയും ചെയ്യുന്നവരെ മറ്റ്‌ എന്ത്‌ വിളിക്കണം? ദിലീപ്‌ വിഷയത്തില്‍ അദ്ദേഹം പ്രതിയാണെന്ന് നേരത്തെ ഗണിച്ച്‌ കണ്ടെത്തിയവര്‍, അദ്ദേഹം പ്രതിയാകണമെന്ന് ഏറ്റവും കൊതിച്ചിരിക്കുന്നവര്‍ തന്നെയാണ്‌, മറ്റൊരു പീഡനക്കേസ്‌ പ്രതി കുറ്റസമ്മതം നടത്തിയപ്പോള്‍ അതിനെ ലൈകടിച്ച്‌ പിന്തുണക്കുന്നവര്‍!

അല്ലാ, സ്വയം ഫെമിനിസ്റ്റ് ആണെന്ന് പറഞ്ഞുനടക്കുന്ന പ്രമുഖ മഹിള തന്നെയല്ലേ ഈയിടെ പറഞ്ഞത്‌ ഒരു 'ലൈകി'നു പോലും കൃത്യമായ രാഷ്ട്രീയമാനമുണ്ടെന്ന്? അങ്ങനെയെങ്കില്‍ നിങ്ങള്‍ ഇരയ്ക്കൊപ്പമല്ല, മാപ്പ്‌ ഇരന്ന് പോസ്റ്റിടുന്നതിലൂടെ പ്രതിക്കൊപ്പമാണെന്നല്ലേ തെളിയിച്ചത്‌? 'സ്ത്രീപക്ഷ' നിലപാടുകളുമായി മറ്റുള്ളവരെ പൊട്ടന്‍ കളിപ്പിക്കുന്നത്‌ നിര്‍ത്താന്‍ സമയമായി.ഇനിയെങ്കിലും ഇവരുടെ ഒക്കെ ഇരട്ടത്താപ്പ് ജനം തിരിച്ച്‌ അറിയുമെന്ന് പ്രതീക്ഷിക്കുന്നു.



Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: kvartha
Top