സംസ്ഥാന സർക്കാർ ആരംഭിച്ച പ്രത്യേക ഹെല്‍പ്പ്ലൈൻ നമ്പറുകള്‍ വഴിയാണ് ബന്ധുക്കള്‍ വിവരങ്ങള്‍ കൈമാറിയത്.

വ്യാഴാഴ്ച (ഓഗസ്റ്റ് 27) വരെയുള്ള കണക്കനുസരിച്ച്‌, വിവരങ്ങള്‍ ലഭിച്ച 32 പേരില്‍ 18 പേരുമായി സർക്കാർ സംസാരിച്ച്‌ സുരക്ഷ ഉറപ്പാക്കിയിട്ടുണ്ട്. പ്രളയമേഖലയിലെ ടെലികോം തടസ്സങ്ങള്‍ കാരണം ബാക്കി 14 പേരുമായി ഇതുവരെ ബന്ധപ്പെടാൻ സാധിച്ചിട്ടില്ല. കാസർകോട് സ്വദേശികള്‍ സുരക്ഷിതരാണെന്ന് ബുധനാഴ്ച വൈകീട്ട് തന്നെ റിപ്പോർട്ടുകളുണ്ടായിരുന്നു.

നോർക്ക വഴി ഇതില്‍ 20 പേരുടെ വിവരങ്ങള്‍ ശേഖരിച്ചിട്ടുണ്ട്. ദുരന്തബാധിത മേഖലയില്‍ ആകെ 48-ഓളം മലയാളികള്‍ ഉള്ളതായാണ് വിവരം. സുരക്ഷിതത്വം ഉറപ്പാക്കാനും രക്ഷാപ്രവർത്തനം ഏകോപിപ്പിക്കാനുമായി ലഭ്യമായ എല്ലാ വിവരങ്ങളും കാഠ്മണ്ഡുവിലെ ഇന്ത്യൻ എംബസിക്ക് കൈമാറി. ബന്ധപ്പെടാൻ കഴിഞ്ഞ എല്ലാവരും സുരക്ഷിതരാണെന്ന് സർക്കാർ വൃത്തങ്ങള്‍ അറിയിച്ചു.

സഹായത്തിന് ഹെല്‍പ്പ്ലൈൻ നമ്പറുകള്‍

പ്രളയത്തില്‍ കുടുങ്ങിയ മലയാളികള്‍ക്കും അവരുടെ ബന്ധുക്കള്‍ക്കും സുഹൃത്തുക്കള്‍ക്കും കേരള മുഖ്യമന്ത്രിയുടെ ഓഫീസുമായി ബന്ധപ്പെടാൻ പ്രത്യേക നമ്പറുകള്‍ ആരംഭിച്ചു. 1070 എന്ന ടോള്‍ ഫ്രീ നമ്പറിനൊപ്പം 9447111844, 9747132147 എന്നീ നമ്പറുകളിലും സഹായം വേണ്ടവർക്ക് വിളിക്കാമെന്ന് മുഖ്യമന്ത്രിയുടെ ഓഫീസും സംസ്ഥാന ദുരന്തനിവാരണ അതോറിറ്റിയും അറിയിച്ചു. നേപ്പാളിലുള്ള മലയാളികളെ ബന്ധപ്പെടാൻ കുടുംബാംഗങ്ങള്‍ക്ക് സാധിക്കുന്നില്ലെങ്കില്‍ അക്കാര്യം ഉടൻ തന്നെ മുഖ്യമന്ത്രിയുടെ ഓഫീസിനെ അറിയിക്കാനാണ് നിർദേശം.

കൈമാറേണ്ട വിവരങ്ങള്‍

പ്രളയത്തില്‍ അകപ്പെട്ടവരെക്കുറിച്ച്‌ വിവരങ്ങള്‍ കൈമാറുമ്പോള്‍ താഴെ പറയുന്ന കാര്യങ്ങള്‍ കൃത്യമായി അറിയിക്കണം:

● വ്യക്തിയുടെ പേര്.

● യാത്ര ചെയ്ത തീയതി, ബാധിക്കപ്പെട്ട പ്രദേശത്ത് എത്തിച്ചേർന്നതായി സംശയിക്കുന്ന തീയതി.

● ഏറ്റവും അവസാനം ബന്ധപ്പെടാൻ സാധിച്ച തീയതി.

● ഇവരുടെ കൈവശമുള്ള മൊബൈല്‍ നമ്പർ.

● യാത്രാ പദ്ധതി തയാറാക്കി നല്‍കിയ ഏജൻസിയുടെ പേര്.

തുടർന്ന് ലഭ്യമാകുന്ന വിവരങ്ങള്‍ സംഗ്രഹിച്ച്‌ ഔദ്യോഗിക സംവിധാനം വഴി നേപ്പാള്‍ സർക്കാരിന് കൈമാറുമെന്ന് സംസ്ഥാന ദുരന്തനിവാരണ അതോറിറ്റി വ്യക്തമാക്കി.

ഈ വാർത്ത നിങ്ങളുടെ സുഹൃത്തുക്കള്‍ക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. ഏറ്റവും പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങള്‍ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: The Kerala government has received details of 32 Malayali tourists stranded in Nepal's flash floods, confirming 18 are safe while 14 remain unreachable, prompting Chief Minister VD Satheesan's office to open emergency helpline numbers including 1070 to coordinate rescue efforts. #AmmuNews