കൊച്ചി: (KVARTHA) മനസ്സിനെ തൊടുന്ന മനോഹരമായ പ്രണയനിമിഷങ്ങളും ദാമ്പത്യബന്ധങ്ങളിലെ അപ്രതീക്ഷിത ഗതിമാറ്റങ്ങളും ദൃശ്യാവിഷ്കരിക്കുന്ന 'ബ്ലൂ ലില്ലി' എന്ന ഹ്രസ്വചിത്രം വലിയ കാത്തിരിപ്പുകള്ക്കൊടുവില് പ്രേക്ഷകരിലേക്ക് എത്തുന്നു.
പ്രണയത്തിൻ്റെ മാധുര്യത്തില് തുടങ്ങി ദാമ്പത്യജീവിതത്തിലെ സങ്കീർണ്ണമായ യാഥാർത്ഥ്യങ്ങളിലേക്കും മാനസിക സംഘർഷങ്ങളിലേക്കും വിരല്ചൂണ്ടുന്ന ഈ സൈക്കോളജിക്കല് ഡ്രാമ ജൂണ് മാസത്തില് റിലീസ് ചെയ്യും. ശനിയാഴ്ച, 2026 മേയ് രണ്ട്-നാണ് ചിത്രത്തിൻ്റെ റിലീസ് സംബന്ധിച്ച വിവരങ്ങള് പുറത്തുവന്നത്. കൊച്ചിയില് നടന്ന പ്രീമിയർ ഷോയ്ക്ക് ലഭിച്ച മികച്ച പ്രതികരണങ്ങള് ചിത്രത്തിലുള്ള പ്രതീക്ഷ വർധിപ്പിച്ചിരിക്കുകയാണ്.
താരനിരയും കഥാപാത്രങ്ങളും
മിനി നായർ നിർമ്മിച്ച് ഗൗതം രവീന്ദ്രൻ സംവിധാനം ചെയ്ത ഈ ചിത്രത്തിൻ്റെ തിരക്കഥ ഒരുക്കിയത് ചാർവി റാം മോഹൻ ആണ്. മിനിസ്ക്രീൻ പ്രേക്ഷകർക്ക് പ്രിയങ്കരിയായ ശ്രുതി രജനീകാന്ത്, അനിരുദ്ധ് ബാലു എന്നിവരാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്.