വ്യാഴാഴ്ച കാസർകോട്, കണ്ണൂർ, കോഴിക്കോട് എന്നീ മൂന്ന് വടക്കൻ ജില്ലകളില്‍ മഞ്ഞ ജാഗ്രത പ്രഖ്യാപിച്ചിട്ടുണ്ട്. മറ്റ് ജില്ലകളില്‍ നിലവില്‍ പ്രത്യേക മഴ മുന്നറിയിപ്പുകള്‍ ഒന്നുമില്ലെങ്കിലും ഒറ്റപ്പെട്ട ഇടങ്ങളില്‍ ഇടിയോടുകൂടിയ ശക്തമായ മഴയ്ക്ക് സാധ്യതയുണ്ടെന്നാണ് റിപ്പോർട്ട്. കാറ്റിന്റെ വേഗത വർദ്ധിക്കാൻ സാധ്യതയുള്ളതിനാല്‍ മലയോര മേഖലകളിലും തീരദേശങ്ങളിലും ഉള്ളവർ പ്രത്യേക ജാഗ്രത പാലിക്കണമെന്ന് അധികൃതർ കർശന നിർദേശം നല്‍കി.

വെള്ളിയാഴ്ച ഏഴ് ജില്ലകളില്‍ മഴ മുന്നറിയിപ്പ്

അടുത്ത രണ്ട് ദിവസങ്ങളില്‍ കൂടി സംസ്ഥാനത്ത് കനത്ത മഴ തുടരുമെന്നാണ് പ്രവചനം. വെള്ളിയാഴ്ചയോടെ മഴ കൂടുതല്‍ ജില്ലകളിലേക്ക് വ്യാപിക്കും. വെള്ളിയാഴ്ച കാസർകോട്, കണ്ണൂർ, കോഴിക്കോട്, മലപ്പുറം, തൃശൂർ, എറണാകുളം, ഇടുക്കി എന്നീ ഏഴ് ജില്ലകളിലാണ് ശക്തമായ മഴ സാധ്യത കണക്കിലെടുത്ത് മഞ്ഞ ജാഗ്രത ഏർപ്പെടുത്തിയിരിക്കുന്നത്. ബാക്കി ഏഴ് ജില്ലകളില്‍ നിലവില്‍ മുന്നറിയിപ്പുകളില്ല.

ജാഗ്രത നിർദേശങ്ങളുമായി ദുരന്തനിവാരണ അതോറിറ്റി

കഴിഞ്ഞ ദിവസങ്ങളിലും സംസ്ഥാനത്തിൻ്റെ വിവിധ ഭാഗങ്ങളില്‍ ശക്തമായ മഴയാണ് രേഖപ്പെടുത്തിയത്. വടക്കൻ ജില്ലകളില്‍ കനത്ത മഴ തുടരുന്ന പശ്ചാത്തലത്തില്‍ കഴിഞ്ഞ ദിവസം കണ്ണൂർ, കാസർകോട് ജില്ലകളിലെ പ്രൊഫഷണല്‍ കോളേജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് കളക്ടർമാർ അവധി പ്രഖ്യാപിച്ചിരുന്നു.

മഴ കനക്കുന്ന സാഹചര്യത്തില്‍ പൊതുജനങ്ങള്‍ അതീവ ജാഗ്രത പുലർത്തണമെന്നും അടിയന്തര സാഹചര്യങ്ങള്‍ നേരിടാൻ സജ്ജമായിരിക്കണമെന്നും സംസ്ഥാന ദുരന്തനിവാരണ അതോറിറ്റി അറിയിച്ചു.

കൂടുതല്‍ വാർത്തകള്‍ അറിയാൻ ഞങ്ങളുടെ വാട്സാപ്പ് ചാനല്‍ ഫോളോ ചെയ്യുക.

Article Summary: The India Meteorological Department has forecast heavy rain in Kerala for the coming days, issuing a Yellow Alert for Kasaragod, Kannur, and Kozhikode today, and for seven districts including Idukki and Ernakulam tomorrow. Fishing has been banned off the Kerala, Karnataka, and Lakshadweep coasts until Saturday.