വ്യാഴാഴ്ച രാവിലെ കോഴിക്കോട് മെഡിക്കല്‍ കോളേജ് ആശുപത്രിയില്‍ വെച്ചായിരുന്നു അന്ത്യം. ടി.കെ. ദാമോദരൻ എന്നാണ് അദ്ദേഹത്തിന്റെ യഥാർഥ പേര്. വാർധക്യസഹജമായ ബുദ്ധിമുട്ടുകള്‍ക്കിടയിലും അദ്ദേഹം സാഹിത്യ ലോകത്ത് സജീവ സാന്നിധ്യമായിരുന്നു. അദ്ദേഹത്തിന്റെ വിയോഗം മലയാള സാഹിത്യത്തിനും സാംസ്കാരിക ലോകത്തിനും വലിയൊരു നഷ്ടമാണ് സൃഷ്ടിച്ചിരിക്കുന്നത്.

അപകടം സംഭവിച്ചത് കഴിഞ്ഞയാഴ്ച

ഓഗസ്റ്റ് 18 ചൊവ്വാഴ്ച രാത്രി എട്ടുമണിക്ക് കണ്ണൂരില്‍നിന്ന് ബസ് ഇറങ്ങി വീട്ടിലേക്ക് പോകാൻ പാത മുറിച്ചുകടക്കുന്നതിനിടെയാണ് അപകടമുണ്ടായത്. തലയ്ക്കും മറ്റും സാരമായി പരുക്കേറ്റ അദ്ദേഹത്തിന് പ്രദേശവാസികള്‍ മുൻകൈയെടുത്താണ് പ്രഥമശുശ്രൂഷ നല്‍കിയത്. നില ഗുരുതരമായതിനെ തുടർന്ന് വിദഗ്ധ ചികിത്സയ്ക്കായി ഉടൻ തന്നെ കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. തീവ്രപരിചരണ വിഭാഗത്തില്‍ ചികിത്സയിലിരിക്കെ വ്യാഴാഴ്ച (ഓഗസ്റ്റ് 27) പുലർച്ചെ രണ്ട്മണിക്കാണ് മരണം സംഭവിച്ചതെന്ന് ആശുപത്രി വൃത്തങ്ങള്‍ അറിയിച്ചു. മൃതദേഹം പോസ്റ്റ്‌മോർട്ടം നടപടികള്‍ക്ക് ശേഷം ഉച്ചയോടെ മുഴപ്പിലങ്ങാട്ടെ വീട്ടിലെത്തിക്കുമെന്ന് ബന്ധുക്കള്‍ അറിയിച്ചു.

സാഹിത്യത്തിലെ ബഹുമുഖ പ്രതിഭ

നോവല്‍, കഥ, കവിത, ബാലസാഹിത്യം, നാടകം തുടങ്ങി സാഹിത്യത്തിന്റെ വിവിധ മേഖലകളില്‍ തന്റേതായ വ്യക്തിമുദ്ര പതിപ്പിച്ച പ്രതിഭയാണ് ടി.കെ. ദാമോദരൻ എന്ന ടി.കെ.ഡി. മുഴപ്പിലങ്ങാട്. ലളിതമായ ഭാഷയിലൂടെ സാധാരണക്കാരുടെ ജീവിതം വരച്ചുകാട്ടാൻ അദ്ദേഹത്തിന് കഴിഞ്ഞിരുന്നു. കുട്ടികള്‍ക്ക് വേണ്ടിയുള്ള അദ്ദേഹത്തിന്റെ രചനകള്‍ ഏവരുടെയും പ്രശംസ പിടിച്ചുപറ്റിയിരുന്നു. നിരവധി പ്രമുഖ പുരസ്കാരങ്ങളും അദ്ദേഹത്തെ തേടിയെത്തിയിട്ടുണ്ട്. കേരള സാഹിത്യ അക്കാദമി അവാർഡ്, കേരള സംഗീത നാടക അക്കാദമി അവാർഡ്, സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് അവാർഡ് എന്നീ അവാർഡുകള്‍ ലഭിച്ചിട്ടുണ്ട്.

അഭിനയരംഗത്തും സജീവം

എഴുത്തിന് പുറമെ അഭിനയരംഗത്തും അദ്ദേഹം തന്റെ കഴിവ് തെളിയിച്ചിട്ടുണ്ട്. 'കടല്‍ കാക്ക', 'പെരുന്തച്ചൻ', 'ഒരു വിലക്ക്' തുടങ്ങിയ ശ്രദ്ധേയമായ ചലച്ചിത്രങ്ങളിലും നിരവധി ടെലിഫിലിമുകളിലും സീരിയലുകളിലും അദ്ദേഹം അഭിനയിച്ചിട്ടുണ്ട്. ഇതിന് പുറമെ ആകാശവാണിക്കും ദൂരദർശനും വേണ്ടി നിരവധി മികച്ച രചനകള്‍ അദ്ദേഹം നിർവഹിച്ചിട്ടുണ്ട്. കലയോടുള്ള അദ്ദേഹത്തിന്റെ അടങ്ങാത്ത അഭിനിവേശമാണ് ഈ പ്രവർത്തനങ്ങളിലൂടെയെല്ലാം പ്രകടമായത്.

ടി.പി. ഉഷയാണ് ഭാര്യ. മക്കള്‍: ശ്രീജിത് പ്രസാദ്, ശ്രീസംഗീത ജഗദീശൻ, ശ്രീഷിത ശൈലേഷ്. നിരവധി സാംസ്കാരിക, സാമൂഹിക പ്രവർത്തകർ അദ്ദേഹത്തിന്റെ നിര്യാണത്തില്‍ അനുശോചനം രേഖപ്പെടുത്തി രംഗത്തെത്തിയിട്ടുണ്ട്.

പുതിയ വാർത്തകള്‍ അറിയാൻ ഞങ്ങളുടെ വാട്സ്‌ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജില്‍ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. കൂടുതല്‍ വാർത്തകള്‍ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക് പേജും ഫോളോ ചെയ്യുക.

Article Summary: Famous writer T.K.D. Muzhappilangad dies after a vehicle accident.