വിവിധ കോഴ്‌സുകളില്‍ പ്രവേശനം വാഗ്ദാനം ചെയ്ത് വ്യാജ വിജ്ഞാപനങ്ങള്‍ ഇറക്കി പണം തട്ടുന്നത് ശ്രദ്ധയില്‍പ്പെട്ടതിനെ തുടർന്നാണ് സർവകലാശാല വിദ്യാർത്ഥികള്‍ക്ക് ജാഗ്രതാ നിർദേശം നല്‍കിയിരിക്കുന്നത്.

വിവരങ്ങള്‍ കൈമാറരുത്

വ്യാജ പോർട്ടലുകള്‍ വഴി വലിയ രീതിയിലുള്ള തട്ടിപ്പാണ് നടക്കുന്നതെന്നാണ് വിവരം. അതിനാല്‍ വിദ്യാർത്ഥികള്‍ കർശന ജാഗ്രത പാലിക്കണമെന്ന് അധികൃതർ വ്യക്തമാക്കി.

വ്യാജ പോർട്ടലുകളില്‍ രജിസ്റ്റർ ചെയ്യുകയോ അക്കാദമിക്, ആധാർ, ബാങ്കിങ് വിവരങ്ങള്‍, രേഖകള്‍ എന്നിവ നല്‍കുകയോ പണമടയ്ക്കുകയോ ചെയ്യരുത്. പ്രവേശനസംബന്ധമായ എല്ലാ കാര്യങ്ങള്‍ക്കും സർവകലാശാലയുടെ ഔദ്യോഗിക വെബ്സൈറ്റ് മാത്രം ഉപയോഗിക്കാൻ ശ്രദ്ധിക്കുക.

സൈബർ സെല്ലില്‍ പരാതി നല്‍കി

വ്യാജ വെബ്സൈറ്റ് വഴി ഇതിനകം വിവരങ്ങള്‍ നല്‍കുകയോ പണമടയ്ക്കുകയോ ചെയ്തവർ ഉണ്ടെങ്കില്‍ ഉടൻ തന്നെ സർവകലാശാലയെയും പോലീസിനെയും വിവരമറിയിക്കണം. തട്ടിപ്പ് സംബന്ധിച്ച്‌ സർവകലാശാല നേരിട്ട് സൈബർ സെല്ലില്‍ പരാതി നല്‍കിയിട്ടുണ്ട്. വിദ്യാർത്ഥികള്‍ ഔദ്യോഗിക അറിയിപ്പുകള്‍ മാത്രം വിശ്വസിക്കുക.

കൂടുതല്‍ വാർത്തകള്‍ അറിയാൻ ഞങ്ങളുടെ വാട്സ്‌ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജില്‍ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്.

Article Summary: Kerala Univ warns against fake Distance Education admission website.