ന്യൂഡല്ഹി: ആധാർ ആപ്പ് 5 കോടി ഡൗണ്ലോഡുകള് എന്ന സുപ്രധാന നാഴികക്കല്ല് പിന്നിട്ടു. പൊതുജനങ്ങള്ക്കും യു.ഐ.ഡി.എ.ഐ.യ്ക്കും ഇടയിലുള്ള ഒരു ഡിജിറ്റല് ഇടനില സംവിധാനമെന്ന നിലയില് ആധാർ ആപ്പിൻ്റെ പങ്ക് കൂടുതല് വിപുലമാകുന്നതിനെയാണ് ഈ നേട്ടം അടയാളപ്പെടുത്തുന്നത്.
മൊബൈല് നമ്പർ അപ്ഡേറ്റ് ചെയ്യല്, വിലാസം മാറ്റല്, ഇമെയില് അപ്ഡേറ്റ് ചെയ്യല്, ബയോമെട്രിക് ലോക്ക്/അണ്ലോക്ക് ചെയ്യല്, ഇ-ആധാർ ഡൗണ്ലോഡ് എന്നിവയുള്പ്പെടെ കൂടുതല് സേവനങ്ങള് തങ്ങളുടെ സ്മാർട്ട്ഫോണുകളിലൂടെ നേരിട്ട് പ്രയോജനപ്പെടുത്താൻ ഇത് ആധാർ ഉടമകളെ പ്രാപ്തരാക്കുന്നു.
ആപ്പ് അവതരിപ്പിച്ചതിനുശേഷം ശക്തവും തുടർച്ചയായതുമായ ഉപയോഗമാണ് രേഖപ്പെടുത്തിയിട്ടുള്ളത്. 60 ലക്ഷത്തിലധികം പേർ ആധാർ ആപ്പ് ഉപയോഗിച്ച് മൊബൈല് നമ്പർ പുതുക്കിയപ്പോള്, 15 ലക്ഷത്തിലധികം വിലാസം പുതുക്കലുകളും 23 ലക്ഷത്തിലധികം ഇ-മെയില് അപ്ഡേറ്റുകളും ആധാർ ആപ്പ് ഉപയോഗിച്ച് നടത്തി.
ആധാർ കേന്ദ്രങ്ങള് സന്ദർശിക്കേണ്ട ആവശ്യമില്ലാതെ തന്നെ, ആധാറുമായി ബന്ധപ്പെട്ട സേവനങ്ങള് ഡിജിറ്റലായി പ്രയോജനപ്പെടുത്തുന്നതില് ജനങ്ങള്ക്കിടയിലുള്ള വർദ്ധിച്ചുവരുന്ന താല്പ്പര്യത്തെയാണ് ഈ സേവനങ്ങളുടെ സ്വീകാര്യത പ്രതിഫലിപ്പിക്കുന്നത്.
ക്യു.ആർ കോഡ് അധിഷ്ഠിത പരിശോധന, ഡിജിറ്റലായി ഒപ്പിട്ട സുരക്ഷിതമായ രേഖകള് തുടങ്ങിയ ആധാർ ഓഫ്ലൈൻ പരിശോധനാ രീതികള് പ്രയോജനപ്പെടുത്തുന്നതിലൂടെ, യു.ഐ.ഡി.എ.ഐയുടെ സെൻട്രല് ഡാറ്റാബേസുമായി തത്സമയ കണക്റ്റിവിറ്റി ആവശ്യമില്ലാതെ തന്നെ ഈ സ്ഥാപനങ്ങള്ക്ക് ആധാർ വിവരങ്ങള് പരിശോധിക്കാൻ ഇനിമുതല് സാധിക്കും.