മുംബൈ: കഴിഞ്ഞ ഒരു വര്‍ഷത്തിനിടെ 126 ശതമാനം ഉയര്‍ന്ന അദാനി പവര്‍ വിപണിമൂല്യത്തില്‍ ഇന്‍ഫോസിസിനെ മറികടന്നു. 2026ല്‍ മാത്രം 68 ശതമാനമാണ്‌ അദാനി പവറിന്റെ ഓഹരി വിലയിലുണ്ടായ മുന്നേറ്റം.
ഊര്‍ജ മേഖലയിലുണ്ടായ ഉയര്‍ന്ന ഡിമാന്റാണ്‌ അദാനി പവര്‍ ഓഹരി വില കുതിച്ചുയരുന്നതിന്‌ വഴിയൊരുക്കിയത്‌.
വേനല്‍ക്കാലത്തെ വൈദ്യുതി ഉപയോഗം കുതിച്ചുയര്‍ന്നത്‌ അദാനി പവറിന്റെ ബിസിനസിന്‌ ഏറെ ഗുണകരമായി. 4.85 ലക്ഷം കോടി രൂപയാണ്‌ അദാനി പവറിന്റെ വിപണിമൂല്യം. അതേ സമയം ഇന്‍ഫോസിസിന്റെ വിപണിമൂല്യം 4.72 ലക്ഷം കോടി രൂപയാണ്‌.
കഴിഞ്ഞ ഒരു വര്‍ഷത്തിനിടെ ഇന്‍ഫോസിസിന്റെ ഓഹരി വിലയില്‍ 26 ശതമാനം ഇടിവാണുണ്ടായത്‌.