ജിയോ ഫിനാൻഷ്യല്‍ സർവീസസിന്റെ പൂർണ ഉടമസ്ഥതയിലുള്ള ഉപസ്ഥാപനമാണ് JPSL.

പുതിയ സംവിധാനത്തിലൂടെ രാജ്യത്തെ കയറ്റുമതിക്കാർക്ക് വിവിധ മാർഗങ്ങളിലൂടെ വിദേശ പേയ്‌മെന്റുകള്‍ സ്വീകരിക്കാനാകും. വെർച്വല്‍ അക്കൗണ്ടുകള്‍, അന്താരാഷ്ട്ര കാർഡുകള്‍, പ്രാദേശിക പേയ്‌മെന്റ് സംവിധാനങ്ങള്‍ (Local Payment Rails) എന്നിവ വഴിയാണ് പേയ്‌മെന്റ് സ്വീകരിക്കാനുള്ള സൗകര്യം ഒരുക്കിയിരിക്കുന്നത്.

ആഗോള വിപണിയില്‍ ഇന്ത്യൻ കയറ്റുമതിക്കാരുടെ മത്സരക്ഷമത വർധിപ്പിക്കുകയും അന്താരാഷ്ട്ര ഇടപാടുകള്‍ കൂടുതല്‍ സുഗമമാക്കുകയും ചെയ്യുകയാണ് പുതിയ പ്ലാറ്റ്‌ഫോമിലൂടെ ലക്ഷ്യമിടുന്നതെന്ന് കമ്പനി അറിയിച്ചു.

ക്രോസ്-ബോർഡർ ഇടപാടുകള്‍ക്കായി പേയ്‌മെന്റ് അഗ്രിഗേറ്ററായി പ്രവർത്തിക്കുന്നതിന് റിസർവ് ബാങ്ക് ഓഫ് ഇന്ത്യയില്‍ (RBI) നിന്ന് ലഭിച്ച അനുമതിക്ക് പിന്നാലെയാണ് JPSL പുതിയ സേവനം അവതരിപ്പിച്ചത്. കയറ്റുമതിക്കും ഇറക്കുമതിക്കും ഉള്‍പ്പെടെയുള്ള ക്രോസ്-ബോർഡർ ഇടപാടുകള്‍ ഈ അംഗീകാരത്തിന്റെ പരിധിയില്‍ വരുന്നതായി കമ്പനി വ്യക്തമാക്കി.

അന്താരാഷ്ട്ര വ്യാപാര രംഗത്ത് ഇന്ത്യൻ ബിസിനസുകള്‍ക്ക് കൂടുതല്‍ കാര്യക്ഷമമായ പേയ്‌മെന്റ് സൗകര്യങ്ങള്‍ ലഭ്യമാക്കുന്നതിലൂടെ ആഗോള തലത്തിലുള്ള വളർച്ചയ്ക്ക് പിന്തുണ നല്‍കാനാണ് ജിയോ പേയ്‌മെന്റ് സൊല്യൂഷൻസ് ലക്ഷ്യമിടുന്നത്.