ഹെല്ത്തി ഫുഡ് ലൈഫ്സ്റ്റൈല്' ക്യാപെയ്ൻ ലുലു സ്റ്റോറുകളില് ലോഞ്ച് ചെയ്തു
അബുദാബി : മികച്ച ജീവിതശൈലിക്കും ഭക്ഷണരീതികള്ക്കും പ്രോത്സാഹനമേകുന്ന അബുദാബി കാർഷിക ഭക്ഷ്യസുരക്ഷാ വകുപ്പിന്റെ പദ്ധതിക്ക് പിന്തുണയുമായി ലുലു.
അബുദാബി കാർഷിക ഭക്ഷ്യസുരക്ഷാ വകുപ്പുമായി കൈകോർത്ത്, ഹെല്ത്തി ലിവിങ്ങ് സെക്ടറുമായി സഹകരിച്ച് ലുലു സ്റ്റോറുകളില് 'ഹെല്ത്തി ഫുഡ് ലൈഫ്സ്റ്റൈല്' ക്യാംപെയ്ൻ ലോഞ്ച് ചെയ്തു.
ലുലു ഗ്രൂപ്പ് ചെയർമാൻ എം.എ യൂസഫലിയുടെ സാന്നിദ്ധ്യത്തില് അബുദാബി കാർഷിക ഭക്ഷ്യസുരക്ഷാ വകുപ്പ് ആക്ടിങ്ങ് ഡയറക്ടർ ജനറല് താരിഖ് അഹമ്മദ് അല് അമേരി ക്യാപെയ്ൻ ലോഞ്ച് ചെയ്തു. അബുദാബി കാർഷിക ഭക്ഷ്യസുരക്ഷാ വകുപ്പ് റെഗുലേറ്ററി അഡ്മിനിസ്ട്രേറ്റീവ് അഫേഴ്സ് ഡെപ്യൂട്ടി ഡയറക്ടർ ജനറല് മൗസ സുഹൈല് അല് മുഹൈരി, ഹെല്ത്തി ലിവിങ്ങ് സെക്ടർ എക്സിക്യൂട്ടീവ് ഡയറക്ടർ ഡോ അഹമ്മദ് അല് ഖസ്രാജി, അബുദാബി കാർഷിക ഭക്ഷ്യസുരക്ഷാ വകുപ്പ് പ്രൊജക്ട് ഹെഡ് ഹസ്സൻ മുഹമ്മദ് അല് മർസൂഖി എന്നിവരും ഭാഗമായി.
യുഎഇയിലെ 1200ലേറെ അറബ് വനിതകള്ക്കായി, അബുദാബി കാർഷിക ഭക്ഷ്യസുരക്ഷാ വകുപ്പ് ഏർപ്പെടുത്തിയ ഷോപ്പിങ്ങ് വൗച്ചറുകളില്, ലുലു സ്റ്റോറുകളില് നിന്ന് പഴം പച്ചക്കറികള് വാങ്ങാനാകും. ഇരുപത് ആഴ്ച വരെ ഈ വൗച്ചറുകള് ഉപയോഗിച്ച് ഷോപ്പ് ചെയ്യാം. വീടുകളിലെ ഭക്ഷണരീതികള് നിർണയിക്കുന്നതില് സത്രീകള് പ്രധാന പങ്ക് വഹിക്കുന്നുവെന്ന് വിലയിരുത്തിയാണ് പദ്ധതി. കുടുംബങ്ങളില് മികച്ച ആരോഗ്യശൈലിയും ഭക്ഷണരീതിയും പ്രോത്സാഹിപ്പിക്കുന്നതിനായാണ് ഈ നീക്കം.
സർക്കാർ-സ്വകാര്യ പങ്കാളിത്വത്തോടെയുള്ള മികച്ച പദ്ധതിയാണ് യാഥാർത്ഥ്യമായിരിക്കുന്നതെന്നും യുഎഇ ജനതയുടെ മികച്ച ജീവിതശൈലിക്ക് ഏറ്റവും നല്ല പിന്തുണയാണ് ലുലു നല്കുന്നതെന്നും അബുദാബി കാർഷിക ഭക്ഷ്യസുരക്ഷാ വകുപ്പ് പ്രൊജക്ട് ഹെഡ് ഹസ്സൻ മുഹമ്മദ് അല് മർസൂഖി പറഞ്ഞു.
മികച്ച ആരോഗ്യത്തിന് പിന്തുണയേകുന്ന സർക്കാർ പദ്ധതികള്ക്ക് ഏല്ലാവിധ പിന്തുണയും ലുലു നല്കുമെന്നും, ലുലു സ്റ്റോറുകളില് പദ്ധതി നടപ്പാക്കാനായതില് ഏറെ സന്തോഷമുണ്ടെന്നും ലുലു ഗ്രൂപ്പ് ചെയർമാൻ എം.എ യൂസഫലി വ്യക്തമാക്കി. അബുദാബി കാർഷിക ഭക്ഷ്യസുരക്ഷാ വകുപ്പുമായി സഹകരിച്ച് ഏറ്റവും മികച്ച ഗുണമേന്മയും ഭക്ഷ്യസുരക്ഷയും കൂടിയാണ് ലുലു ഉറപ്പാക്കുന്നതെന്നും അദേഹം പറഞ്ഞു.
യുഎഇയില് ഭക്ഷ്യോത്പന്നങ്ങളുടെ സുഗമമായ ലഭ്യതയും വിലസ്ഥിരതയുമാണ് ലുലു നല്കുന്നതെന്നും, 110ലേറെ ചാർട്ടേഡ് വിമാനങ്ങളിലായി റമദാന് ഉള്പ്പടെ കൃത്യമായ ലഭ്യതയാണ് ഉറപ്പാക്കിയതെന്നും വരും ആഴ്ചകളിലും ഇത് തുടരുമെന്നും എം.എ യൂസഫലി വ്യക്തമാക്കി.
ലുലു ചീഫ് ഓപ്പറേറ്റിങ്ങ് ആൻഡ് സ്ട്രാറ്റജി ഓഫീസർ സലിം വി.ഐ, പ്രൊജ്ക്ട് ഡവലപ്പെമന്റ്സ് ഡയറക്ടർ അബൂബ്ബക്കർ ടി.പി, മാർക്കറ്റിങ്ങ് ആൻഡ് കമ്മ്യൂണിക്കേഷൻസ് ഡയറക്ടർ വി നന്ദകുമാർ തുടങ്ങിയവരും ചടങ്ങില് പങ്കെടുത്തു.
145K Share Facebook