ചെന്നൈ: തമിഴ് സിനിമയിലെ പ്രമുഖ സംഗീതസംവിധായകനും ഗായകനുമായ ദേവ (Deva) അന്തരിച്ചു. 'തേൻഇസൈ തെன்றല്‍' എന്ന വിശേഷണപ്പേരില്‍ അറിയപ്പെടുന്ന അദ്ദേഹം 75-ാം വയസ്സിലാണ് വിടവാങ്ങിയത്.
ചെന്നൈയിലായിരുന്നു അന്ത്യം .
രാവിലെ 8.30 ഓടെ സൂര്യ ആശുപത്രിയില്‍ പ്രവേശിപ്പിച്ച ദേവ പെട്ടെന്ന് മരിച്ചതായാണ് റിപ്പോർട്ടുകള്‍ സൂചിപ്പിക്കുന്നത്. മരണകാരണവുമായി ബന്ധപ്പെട്ട കൂടുതല്‍ വിവരങ്ങള്‍ പുറത്തുവന്നിട്ടില്ല.
1950 നവംബർ 20-ന് ദേവനേശൻ ചൊക്കലിംഗം എന്ന പേരില്‍ ജനിച്ച ദേവ, തമിഴ് സിനിമയിലെ ശ്രദ്ധേയ സംഗീതസംവിധായകരില്‍ ഒരാളായിരുന്നു. വ്യത്യസ്തമായ മെലഡികള്‍, നാടൻ സംഗീതത്തിന്റെ സ്വാധീനമുള്ള ഈണങ്ങള്‍, ഗാണാ സംഗീതത്തെ മുഖ്യധാരാ സിനിമകളില്‍ ജനപ്രിയമാക്കുന്നതില്‍ നല്‍കിയ സംഭാവനകള്‍ എന്നിവയിലൂടെ അദ്ദേഹം ശ്രദ്ധേയനായി.
മൂന്ന് പതിറ്റാണ്ടിലേറെ നീണ്ട സംഗീതജീവിതത്തില്‍ തമിഴ്, തെലുങ്ക്, കന്നഡ, മലയാളം സിനിമകളിലായി നൂറുകണക്കിന് ചിത്രങ്ങള്‍ക്ക് അദ്ദേഹം സംഗീതം പകർന്നു. ദക്ഷിണേന്ത്യൻ സിനിമാസംഗീതത്തില്‍ തന്റേതായ ശൈലി അടയാളപ്പെടുത്തിയ ദേവയുടെ വിയോഗം സംഗീതലോകത്തിന് വലിയ നഷ്ടമാണ്.