ചെന്നൈ: സ്ത്രീധനമാവശ്യപ്പെട്ട് ഭീഷണിപ്പെടുത്തി യുവതിയുടെ സ്വകാര്യചിത്രങ്ങള് സാമൂഹികമാധ്യമത്തില് പ്രചരിപ്പിച്ച ഭര്ത്താവിനെ പോലീസ് അറസ്റ്റ് ചെയ്തു. തിരുവൊട്ടിയൂര് സ്വദേശി ആര്. വിജയഭാരതി (29)യാണ് പിടിയിലായത്.
സ്വകാര്യ കമ്ബനി ജീവനക്കാരനായ ഇയാള് വിവാഹമോചിതയായ 28-കാരിയെ കഴിഞ്ഞ ജനുവരിയിലാണ് പ്രണയിച്ച് വിവാഹം ചെയ്തത്.
സ്ത്രീധനമായി 10 ലക്ഷം രൂപ ആവശ്യപ്പെട്ടിരുന്നു. അത്രയും പണം നല്കാന് യുവതിയ്ക്കായില്ല. തുടര്ന്ന് സ്വകാര്യചിത്രങ്ങള് പ്രചരിപ്പിക്കുമെന്ന് പ്രതി ഭീഷണിമുഴക്കി. അതോടെ സ്വന്തം വീട്ടിലേക്ക് മടങ്ങിയ യുവതി വില്ലിവാക്കം ഓള് വുമന് പോലീസ് സ്റ്റേഷനില് പരാതി നല്കുകയും ചെയ്തു.
എന്നാല് പ്രതി പോലീസിനു മുന്നില് അന്വേഷണത്തിന് ഹാജരായില്ല. ഇതിനിടെ തന്റെ സ്വകാര്യചിത്രങ്ങള് വിജയഭാരതി ഫെയ്സ്ബുക്കില് പങ്കുവെച്ചതായി കണ്ട യുവതി പോലീസിനെ വിവരമറിയിക്കുകയായിരുന്നു. അറസ്റ്റിലായ പ്രതിയെ ജുഡീഷ്യല് കസ്റ്റഡിയില് റിമാന്ഡ് ചെയ്തു.