ന്യൂഡല്ഹി: റിപ്പബ്ലിക് ദിന – ട്രാക്ടര് പരേഡ് കലാപത്തില് കലാശിച്ചതിന് പിന്നാലെ കഴിഞ്ഞ രണ്ടു മാസത്തിലേറെയായി സമരത്തിലേര്പ്പെട്ട കര്ഷക സംഘടനകളില് പിളര്പ്പ്. അഖിലേന്ത്യ കിസാന് സംഘര്ഷ് ഏകോപന സമിതി (എ.ഐ.കെ.എസ്.സി.സി) യും ഭാരതീയ കിസാന് യൂണിനും (ഭാനു) സമരത്തില്നിന്ന് പിന്മാറി എന്നാണ് പുറത്ത് വരുന്ന റിപ്പോര്ട്ടുകള് .
കഴിഞ്ഞ ദിവസങ്ങളിലെ സംഘര്ഷത്തില് അപലപിച്ചും ഭാരതീയ കിസാന് യൂണിയന് നേതാവ് രാകേഷ് ടികായത്തിനൊപ്പം തുടരാനാവില്ലെന്നും പ്രഖ്യാപിച്ചു കൊണ്ടാണ് പിന്മാറിയത് .
‘വ്യത്യസ്ത ആശയമുള്ള ഒരാളോടൊപ്പം പ്രതിഷേധം മുന്നോട്ടുപോകാനാകില്ല. അതുകൊണ്ട് അവര്ക്ക് നല്ലത് നേരുന്നു. അഖിലേന്ത്യ കിസാന് സംഘര്ഷ് ഏകോപന സമിതി ഈ സമരത്തില് നിന്ന് പിന്മാറുന്നു.’ അഖിലേന്ത്യ കിസാന് സംഘര്ഷ് ഏകോപന സമിതി നേതാവ് വി.എം.സിങ് പറഞ്ഞു.
രാകേഷ് ടികായത് നേതൃത്വം നല്കുന്ന പ്രതിഷേധവുമായി തങ്ങള്ക്ക് ബന്ധമില്ലെന്നും അദ്ദേഹം വ്യക്തമാക്കി മിനിമം താങ്ങുവില ഉറപ്പ് ലഭിക്കുന്നത് വരെ പ്രതിഷേധം തുടരും എന്നാല്, ഈ രൂപത്തിലുള്ള പ്രതിഷേധത്തോടൊപ്പം നില്ക്കില്ല. ആളുകളെ രക്തസാക്ഷികളാക്കാനോ മര്ദ്ദിക്കുന്നതിനോ അല്ല തങ്ങള് ഇവിടെ വന്നിട്ടുള്ളതെന്നും വി.എം.സിങ് കൂട്ടിച്ചേര്ത്തു.
ഇതിനിടെ ഗാസിപുര് അതിര്ത്തിയില് നാടീകയ സംഭവങ്ങളാണ് നടന്നത് . സമരത്തില് നിന്ന് പിന്മാറുമെന്ന വി.എം.സിങിന്റെ പ്രസ്താവനയില് പ്രതിഷേധിച്ച് അഖിലേന്ത്യ കിസാന് സംഘര്ഷ് ഏകോപന സമിതിയിലെ തന്നെ ഒരുവിഭാഗം മുദ്രാവാക്യം വിളിച്ച് രംഗത്തെത്തുകയും ചെയ്തു .
കഴിഞ്ഞ ദിവസത്തെ അക്രമസംഭവങ്ങളുമായി ബന്ധപ്പെട്ട് രാകേഷ് ടികായത്തും വി.എം.സിങും ഉള്പ്പടെയുള്ള ഒമ്ബതോളം കര്ഷക സംഘടനാ നേതാക്കള്ക്കെതിരെ പോലീസ് കേസെടുത്തിട്ടുണ്ട്. അതെ സമയം രാകേഷ് ടികായത്തിന്റെ നേതൃത്വത്തില് കര്ഷക സമരത്തിലേര്പ്പെട്ട കര്ഷക സംഘടനകള് യോഗം ചേര്ന്നുവരികയാണ്
The post കര്ഷക സംഘര്ഷം : സംഘടനകളില് പിളര്പ്പ്; രണ്ടു സംഘടനകള് പിന്മാറി first appeared on MalayalamExpressOnline.