കൊച്ചി :കേരളത്തിലെ ആദ്യ കോവിഡ് 19 മരണം കൊച്ചിയില്‍ റിപ്പോര്‍ട്ട് ചെയ്ത സാഹചര്യത്തില്‍ ജനങ്ങള്‍ക്ക് ആശങ്ക വേണ്ടെന്ന് മന്ത്രി വി എസ് സുനില്‍കുമാര്‍ . ഗള്‍ഫില്‍നിന്നെത്തിയ എറണാകുളം ചുള്ളിക്കല്‍ സ്വദേശിയായ 69 കാരനാണ് ഇന്ന് കോവിഡ് മൂലം മരണമടഞ്ഞത്. മാര്‍ച്ച്‌ 22 മുതല്‍ കളമശ്ശേരി മെഡിക്കല്‍ കോളേജ് ഐസൊലേഷന്‍ വാര്‍ഡില്‍ ചികിത്സയിലായിരുന്നു . വെന്‍റിലേറ്ററില്‍ ആയിരുന്ന ഇദ്ദേഹം ഇന്ന് രാവിലെ എട്ട് മണിക്കാണ് മരണമടയുന്നത്. നേരത്തെ തന്നെ ഹൃദ്രോഗവും ഉയര്‍ന്ന രക്തസമ്മര്‍ദ്ദവും ഉള്ളയാളാണ് മരണമടഞ്ഞ വ്യക്തിയെന്നും പൊതുജനങ്ങള്‍ ആശങ്കാകുലരാകേണ്ടെന്നും മന്ത്രി പറഞ്ഞു.

മൃതശരീരം ബന്ധുക്കള്‍ക്ക് വിട്ടുകൊടുക്കും.

ഇത്തരം മരണങ്ങളില്‍ പാലിക്കപ്പെടേണ്ട പ്രോട്ടോകോള്‍ അനുസരിച്ചുള്ള സുരക്ഷാക്രമീകരണങ്ങളോടു കൂടി മൃതദേഹം സംസ്കരിക്കുമെന്നും മന്ത്രി അറിയിച്ചു. .