സംസ്ഥാന ന്യൂനപക്ഷക്ഷേമ വകുപ്പിന്റെ പ്രൊഫ. ജോസഫ് മുണ്ടശ്ശേരി സ്കോളര്ഷിപ്പിന് അപേക്ഷ ക്ഷണിച്ചു. കേരളത്തില് പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്, സിഖ്, ബുദ്ധ, പാഴ്സി, ജൈന മതവിഭാഗത്തില്പ്പെട്ട 2019-20 അധ്യയന വര്ഷത്തില് എസ്.എസ്.എല്സി/ പ്ലസ്ടു/വി.എച്ച്.എസ്.ഇ തലങ്ങളില് എല്ലാ വിഷയങ്ങള്ക്കും എ+ നേടിയ വിദ്യാര്ഥികള്ക്ക് അപേക്ഷിക്കാം.
സ്കോളര്ഷിപ്പ് 10,000 രൂപ. ബി.പി.എല് വിഭാഗത്തില്പ്പെട്ടവര്ക്ക് മുന്ഗണന. ബി.പി.എല് അപേക്ഷകരുടെ അഭാവത്തില് ന്യൂനപക്ഷ മതവിഭാഗത്തിലെ എട്ട് ലക്ഷം രൂപവരെ വാര്ഷിക വരുമാനമുള്ള എ.പി.എല് വിഭാഗത്തെയും പരിഗണിക്കും. വിദ്യാര്ഥികളെ തെരഞ്ഞെടുക്കുന്നത് കുടുംബ വാര്ഷിക വരുമാനത്തിന്റെ അടിസ്ഥാനത്തിലായിരിക്കും.