നിവര്‍ ചുഴലിക്കാറ്റിന്റെ ആദ്യ ഭാ​ഗം തീരം തൊട്ടു. പുതുച്ചേരിയില്‍ മൂന്ന് മണിക്കൂറിനുള്ളില്‍ ചുഴലിക്കാറ്റ് വീശിയടിക്കും. പുതുച്ചേരിയുടെ വടക്ക് 30 കിമി അകലെയാണ് നിവര്‍ തീരംതൊട്ടത്. മണഇക്കൂറില്‍ 135 കിമി വരെ വേ​ഗത്തില്‍ ചുഴലിക്കാറ്റ് വീശിയടിക്കുമെന്നാണ് പ്രവചനം.

ചെന്നൈയില്‍ ശക്തമായ കാറ്റും മഴയുമാണ്. കടലൂരില്‍ വ്യാപക നാശനഷ്ടം റിപ്പോര്‍ട്ട് ചെയ്തു. ചെന്നൈയില്‍ ട്രയിന്‍-വ്യോമ ​ഗതാ​ഗതം പൂര്‍ണമായും നിര്‍ത്തിവച്ചു. തമിഴ്നാട്ടില്‍ കനത്ത മഴ തുടരുകയാണ്. തീരപ്ര​ദേശങ്ങളിലും കനത്ത മഴയാണ്. വേളച്ചേരി, ​ഗിണ്ടി, മേടവാക്കം പ്രദേശങ്ങള്‍ വെള്ളത്തിനടിയിലായി. ഒരു ലക്ഷം ആളുകളെ സുരക്ഷിത കേന്ദ്രങ്ങളിലേക്ക് മാറ്റി.