Tuesday, 07 Jul, 11.25 pm മലയാളം എക്സ്പ്രെസ്സ്

കേരളം
രാജ്യത്ത്​ കോവിഡ്​ രോഗികളുടെ എണ്ണം 7,19,665 ആയി

ന്യൂഡല്‍ഹി: രാജ്യത്തെ 24 മണിക്കൂറിനിടെ 22,252 പേര്‍ക്ക് പുതുതായി കോവിഡ് രോഗം സ്ഥിരീകരിച്ചു​. ഇതോടെ രാജ്യത്ത്​ മൊത്തം 7,19,665 പേര്‍ക്ക്​ കോവിഡ്​ സ്​ഥിരീകരിച്ചതായി ആരോഗ്യമന്ത്രാലയം അറിയിച്ചു.

രാജ്യത്തെ കോവിഡ്​ മരണം 20,000 കടന്നു. 24 മണിക്കൂറിനിടെ 467 പേര്‍ കൂടി മരിച്ചതോടെ മരണസംഖ്യ 20,160 ആയി. 4,39,948 പേര്‍ രോഗമുക്തി നേടി. 61.13 ശതമാനമാണ്​ ​രാജ്യത്തെ രോഗമുക്തി നിരക്ക്​. മഹാരാഷ്​ട്ര, തമിഴ്​നാട്​, ഡല്‍ഹി, ഗുജറാത്ത്​, ഉത്തര്‍പ്രദേശ്​, തെലങ്കാന, കര്‍ണാടക എന്നിവിടങ്ങളിലാണ്​ ഏറ്റവും കൂടുതല്‍ രോഗബാധിതര്‍. ലോകത്ത്​ കോവിഡ്​ ബാധിതരുടെ എണ്ണത്തില്‍ മൂന്നാം സ്​ഥാനത്താണ്​ ഇന്ത്യ. അമേരിക്കയും ബ്രസീലുമാണ്​ പട്ടികയില്‍ ആദ്യം.

മഹാരാഷ്​​്ട്രയില്‍ 5368 പേര്‍ക്ക്​ പുതുതായി രോഗം സ്​ഥിരീകരിച്ചു. ഇതോടെ സംസ്​ഥാനത്തെ രോഗബാധിതരുടെ എണ്ണം 2,11,987 ആയി ഉയര്‍ന്നു. 9206 പേരാണ്​ സംസ്​ഥാനത്ത്​ മരിച്ചത്​. തമിഴ്​നാട്ടില്‍ തുടര്‍ച്ചയായ അഞ്ചാംദിവസവും 2000ത്തോളം പേര്‍ക്ക്​ കോവിഡ്​ സ്​ഥിരീകരിച്ചു. ഇതോടെ സംസ്​ഥാനത്തെ രോഗബാധിതരുടെ എണ്ണം 1,14,978 ആയി. 1571 മരണമാണ്​ തമിഴ്​നാട്ടില്‍ ഇതുവരെ സ്​ഥിരീകരിച്ചത്​.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Malayalam Express Online
Top