ശബരിമലയിലെ നെയ്യ് ക്രമക്കേടില്‍ കൃത്യമായി എവിടെയാണ് കൃത്രിമം നടന്നതെന്ന് കണ്ടെത്താൻ സാധിക്കാത്ത സാഹചര്യത്തില്‍ വിഷയം ക്രൈംബ്രാഞ്ച് അന്വേഷിക്കണമെന്ന് ആവശ്യപ്പെട്ട് ദേവസ്വം സെക്രട്ടറി റിപ്പോർട്ട് നല്‍കി. മില്‍മയുടെ പാക്കറ്റുകളില്‍ എത്തിച്ച നെയ്യ് പമ്പയിലെ ലാബില്‍ വെച്ച്‌ പരിശോധന നടത്തുന്നതിനിടയിലോ, അതല്ലെങ്കില്‍ കൊണ്ടുപോകുന്ന വഴിയിലോ മാറ്റപ്പെടാൻ സാധ്യതയുണ്ടെന്നാണ് വിലയിരുത്തല്‍. ഈ അട്ടിമറിയുടെ യഥാർത്ഥ ഉറവിടം വ്യക്തമാകാത്തതിനാലാണ് സമഗ്രമായ ഒരു ക്രൈംബ്രാഞ്ച് അന്വേഷണം വേണമെന്ന് ദേവസ്വം സെക്രട്ടറി സർക്കാരിനോട് നിർദേശിച്ചിരിക്കുന്നത്.