Thursday, 13 Aug, 9.40 am മലയാളി ലൈഫ്

പാചകം
ബീഫ് ലിവര്‍ ഫ്രൈ തയ്യാറാക്കാം

നോണ്‍- വെജ് പ്രേമികള്‍ക്ക് ഏറെ ഇഷ്‌ടപ്പെടുന്ന ഒരു വിഭവമാണ് ബീഫ് ലിവര്‍ ഫ്രൈ. ചപ്പാത്തിക്കും പൊറോട്ടയ്ക്കും എല്ലാം നല്ല കോമ്ബിനേഷന്‍ ആയ ഇവ എങ്ങനെ വളരെ എളുപ്പത്തില്‍ തന്നെ ചുരുങ്ങിയ സമയം കൊണ്ട് തയ്യാറാക്കാം എന്ന് നോക്കാം

അവശ്യസാധനങ്ങള്‍

ബീഫ് ലിവര്‍- അര കിലോ

ഉള്ളി അരിഞ്ഞത് - 4-5 ചെറിയ ഉള്ളി (1 സവാള)

ഇഞ്ചി വെളുത്തുള്ളി - ചതച്ചത് ഓരോ tbsp വീതം

പച്ചമുളക്, കറിവേപ്പില

കുരുമുളക് പൊടി - 1 or 1.5 tbsp (എരിവിനു അനുസരിച്ച്‌)

മഞ്ഞള്‍ പൊടി - 1/4 tsp

ഇറച്ചി മസാല - 1/2 tsp

ഉപ്പു, എണ്ണ

[മുളക് പൊടി ഇഷ്ടം ഉണ്ടെങ്കില്‍ അതും കൂടി കാല്‍ സ്പൂണ്‍ ചേര്‍ക്കുക, അപ്പോള്‍ കുരുമുളക് പൊടിയുടെ അളവ് കുറയ്ക്കാന്‍ മറക്കരുത് (ഇത് ലിവര്‍ പെപ്പര്‍ ഫ്രൈ ആണ് ഉണ്ടാക്കിയിരിക്കുന്നത്]

തയ്യാറാക്കുന്ന വിധം

ചീനച്ചട്ടി അടുപ്പത്ത് വെച്ച്‌ ചൂടായ ശേഷം എണ്ണ ഒഴിക്കുക അതില്‍ക്ക ഉള്ളി, ഇഞ്ചി, വെളുത്തുള്ളി എന്നിവ ചേര്‍ത്ത് വഴറ്റുക. ഇതിലേക്ക് ലേശം വെള്ളത്തില്‍ മസാല കൂട്ട് കലക്കി ചേര്‍ത്ത് വഴന്നു വരുമ്ബോള്‍ പച്ചമുളകും അരിഞ്ഞു വെച്ചിരിക്കുന്ന ലിവര്‍ കഷ്ണങ്ങള്‍ ചേര്‍ത്തിളക്കി എടുക്കുക. ശേഷം അതിലേക്ക് കുറച്ചു വെള്ളവും വളരെ കുറച്ചു ഉപ്പും ചേര്‍ത്ത് നന്നായി വേവിക്കുക. ഉപ്പു ആവശ്യത്തിനു അവസാനം മാത്രം ചേര്‍ത്താല്‍ മതി, ഇല്ലെങ്കില്‍ കരള്‍ കഷ്ണങ്ങള്‍ കട്ടിയായി പോകാനും ഇടയുണ്ട്. അര മണിക്കൂറില്‍ താഴെ വെള്ളം കുറച്ചു ചേര്‍ത്ത് വേവിക്കുക, അധികമായി ഇവ വേവിച്ചാല്‍ റബ്ബര്‍ കഷ്ണങ്ങള്‍ പോലെ ആകാനും ഇടയുണ്ട്. കറി വെള്ളം വറ്റി വന്നതിന് പിന്നാലെ അവ വരട്ടി എടുക്കുക, ഇതിലേക്ക് കറിവേപ്പിലയും 3-4 കുരുമുളക് ചതച്ചതും കൂടി ചേര്‍ത്ത് കഴിയുമ്ബോള്‍ ബീഫ് ലിവര്‍ ഫ്രൈ തയ്യാര്‍.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Malayali Life
Top