ബിജെപിയുടെ പുരുഷാധിപത്യ രാഷ്ട്രീയത്തിന് മറുപടി നല്കാന് മമത ബാനര്ജിക്ക് കഴിയുമെന്ന് സഞ്ജയ് ബാരു
പ്രധാനമന്ത്രി ഈ മാസം 25, 26 തീയതികളില് ഇസ്രായേലില് ഔദ്യോഗിക സന്ദര്ശനം നടത്തും
രണ്ടാമത്തെ കുഞ്ഞിന്റെ വരവ് ആഘോഷമാക്കാനുള്ള മറ്റേണിറ്റി ഫോട്ടോഷൂട്ടിനിടെ 3 വയസുകാരന് സ്വിമ്മിംഗ് പൂളില് വീണുമരിച്ചു. ബെംഗളൂരുവിലെ നെലമംഗലയ്ക്ക് അടുത്തുള്ള മാദനായകനഹള്ളി പൊലീസ് സ്റ്റേഷന് പരിധിയിലെ ഗിഡ്ഡേനഹള്ളിയില് ശനിയാഴ്ചയാണ് സംഭവം നടന്നത്. ലക്ഷ്മീര് എന്ന കുട്ടിയാണ് മരിച്ചത്. ജെപി നഗര് സ്വദേശികളായ സ്വാതിയുടെയും ചരണ് രാജിന്റെയും മകനാണ് ലക്ഷ്മീര്. സ്വാതി രണ്ടാമത്തെ കുഞ്ഞിനെ എട്ട് മാസം ഗര്ഭിണിയാണ്. ചരണ് രാജ് ഒരാഴ്ച മുന്പ് ജോലി സംബന്ധമായി വിദേശത്തേക്ക് പോയിരുന്നു. ഗര്ഭിണിയായ സ്വാതി ഒരു സുഹൃത്തിനൊപ്പം ഗര്ഭകാല ഫോട്ടോഷൂട്ടിനായി എത്തിയതായിരുന്നു.
ഈ സമയത്ത് സമീപത്ത് കളിച്ചുകൊണ്ടിരുന്ന മൂന്ന് വയസുള്ള ലക്ഷ്മീര് അബദ്ധത്തില് പൂളില് വീഴുകയായിരുന്നു. വിവരമറിഞ്ഞ് ചരണ് രാജ് നാളെ വിദേശത്ത് നിന്ന് ബെംഗളൂരുവില് തിരിച്ചെത്തും. അതിനുശേഷമാകും പോസ്റ്റ്മോര്ട്ടം നടക്കുകയെന്നാണ് വിവരം. ഇന്നലെ നടന്ന സംഭവത്തിന്റെ ആഘാതത്തില് അമ്മ സ്വാതിയെ ആശുപത്രിയില് പ്രവേശിപ്പിച്ചിരിക്കുകയാണ്.
മൂന്ന് വയസുകാരനൊപ്പമുണ്ടായിരുന്നവരുടെ അശ്രദ്ധയാണ് അപകടത്തിന് കാരണമെന്ന് പൊലീസ് പറയുന്നത്. അമ്മ ഗര്ഭകാല ഫോട്ടോഷൂട്ടിന്റെ തിരക്കിലായിരുന്നപ്പോള് കുഞ്ഞ് അടുത്തുള്ള ചെറിയ സ്വിമ്മിംഗ് പൂളില് വീഴുകയായിരുന്നു. മാദനായകനഹള്ളി പൊലീസ് സംഭവ സ്ഥലത്തെത്തി പരിശോധന നടത്തി. കുഞ്ഞിന്റെ മൃതദേഹം പോസ്റ്റ്മോര്ട്ടത്തിനായി മാറ്റി.