ബരാമതിയില് സ്വകാര്യ കമ്പനിയുടെ പരിശീലന വിമാനം തകര്ന്നുവീണു
ബംഗളൂരു കെഎസ്ആർടിസി ബസ് അപകടത്തില് മരിച്ച ഡ്രൈവർ മിഥിലേഷിന്റെ മൃതദേഹം നാട്ടിലെത്തിച്ചു. പുലർച്ചെ 5 മണിയോടെയാണ് മൃതദേഹം വെള്ളയിലെ വീട്ടിലെത്തിച്ചത്. കഴിഞ്ഞ ദിവസമാണ് കർണാടകയിലെ ബിഡതിക്ക് സമീപം മൈസൂർ- ബെംഗളൂരു അതിവേഗ ഹൈവേയില് അപകടമുണ്ടായത്.
കോഴിക്കോട് നിന്ന് പുറപ്പെട്ട കെഎസ്ആർടിസി ബസാണ് അപകടത്തില്പ്പെട്ടത്. യാത്രക്കാരുമായി പോവുകയായിരുന്ന ബസ് ബിഡതിക്ക് സമീപമെത്തിയപ്പോള് നിയന്ത്രണം വിട്ട് റോഡരികിലെ സൂചനാ ബോർഡില് ഇടിച്ചു കയറുകയായിരുന്നു.
ഇടിയുടെ ആഘാതത്തില് ബസ് തലകീഴായി മറിഞ്ഞു. അപകടത്തില് ബസ് ഡ്രൈവർ മിഥിലേഷ്, കണ്ടക്ടർ അരുണ് എന്നിവരാണ് മരണപ്പെട്ടത്. നിരവധി പേർക്ക് പരിക്കേറ്റിരുന്നു. ജോലിക്കായി പോയ മിഥിലേഷ് ചേതനയറ്റ് വന്നതിന്റെ ആഘാതത്തിലാണ് കുടുംബം.