വീട്ടമ്മയുടെ സ്വർണവും പണവും കവർന്ന അന്തർ സംസ്ഥാന തൊഴിലാളി കസ്റ്റഡിയില്
തിരുവനന്തപുരം സെൻട്രല് റെയില്വേ സ്റ്റേഷനില് എസ്കലേറ്റർ തകരാറില്..... രണ്ടു പേർക്ക് പരുക്ക്
മുഖ്യമന്ത്രി ചർച്ചകള് പുരോഗമിക്കുന്നതിനിടെ രമേശ് ചെന്നിത്തല ഇന്ന് ഡല്ഹിയിലേക്ക്. രാവിലെ ആറരയ്ക്ക് തിരുവനന്തപുരത്ത് നിന്ന് ഡല്ഹിയിലേക്ക് പോകും. കേരളത്തിലെ മുഖ്യമന്ത്രി ചർച്ചകള്ക്കായി എഐസിസി നിരീക്ഷകർ ഇന്ന് തിരുവനന്തപുരത്ത് വരാനിരിക്കെയാണ് രമേശ് ചെന്നിത്തല ഡല്ഹിയിലേക്ക് പോകുന്നത്.
മഹാരാഷ്ട്രയുടെ പിസിസി ചർച്ചകള്ക്കായാണ് പോകുന്നതെന്നാണ് ചെന്നിത്തലയുടെ ഓഫീസ് അറിയിക്കുന്നത്. യാത്ര നേരത്തെ തീരുമാനിച്ചതാണെന്നുമാണ് വിശദീകരണമുള്ളത്. എഐസിസി ജനറല് കെ സി വേണുഗോപാല് ഡല്ഹിയില് തന്നെയാണ് തുടരുന്നത്.
പാർട്ടിയിലെ സീനിയോറിറ്റിയും ഭരണ പരിചയവും സാമുദായിക പിന്തുണയും തനിക്കുണ്ടെന്നാണ് രമേശ് ചെന്നിത്തലയുടെ അവകാശവാദം. നിയമസഭാ തെരഞ്ഞെടുപ്പിലെ വിജയത്തിന്റെ മുഴുവൻ അവകാശവും വിഡി സതീശനുമേല് കെട്ടിവെക്കാനുള്ള ശ്രമങ്ങള്ക്ക് തടയിടുകയമാണ് ഡല്ഹി യാത്രയുടെ ലക്ഷ്യമെന്നാണ് ചെന്നിത്തലയുമായി അടുത്ത വൃത്തങ്ങള് നല്കുന്ന സൂചനകള്. .