Monday, 09 Dec, 7.28 am മലയാളി വാര്‍ത്ത

ലേറ്റസ്റ്റ് ന്യൂസ്
ഗുരുവായൂര്‍ പത്മനാഭനും വലിയ കേശവനും ഉത്സവ എഴുന്നള്ളിപ്പുകളില്‍ പങ്കെടുക്കുന്നത് വനം വകുപ്പ് വിലക്കി

ഒട്ടേറെ ആരാധകരുള്ള ഗുരുവായൂര്‍ പത്മനാഭനും വലിയ കേശവനും ഉത്സവ എഴുന്നള്ളിപ്പുകളില്‍ പങ്കെടുക്കുന്നത് വനം വകുപ്പ് വിലക്കി. പത്മനാഭന് പാദരോഗവും വലിയ കേശവന് ക്ഷയരോഗവുമുണ്ടെന്നതിനാലാണ് ജില്ല നാട്ടാന നിരീക്ഷണ സമിതി യോഗ തീരുമാനത്തിന്റെ അടിസ്ഥാനത്തില്‍ അസി. ഫോറസ്റ്റ് കണ്‍സര്‍വേറ്റര്‍ ഇവയെ ഉത്സവങ്ങള്‍ക്ക് എഴുന്നള്ളിക്കുന്നത് വിലക്കിയത്. ഏകാദശിയോടനുബന്ധിച്ച്‌ ഗുരുവായൂര്‍ കേശവന്‍ അനുസ്മരണത്തില്‍ രണ്ട് ആനകളും പങ്കെടുത്തിരുന്നു. അതിന് ശേഷം രാത്രിയോടെയാണ് വിലക്ക് ഏര്‍പ്പെടുത്തിയ ഉത്തരവിറങ്ങിയത്.

മൃഗസംരക്ഷണ വകുപ്പിലെ ഡോക്ടര്‍മാര്‍ അടങ്ങുന്ന സംഘം പരിശോധിച്ച്‌ വ്യക്തത വരുത്തുന്നത് വരെ എഴുന്നള്ളിപ്പ് ഉള്‍പ്പെടെ ഒരു ചടങ്ങിനും ഈ ആനകളെ ഉപയോഗിക്കരുതെന്നാണ് അസി. കണ്‍സര്‍വേറ്ററുടെ ഉത്തരവിലുള്ളത്. ഗുരുവായൂര്‍ പത്മനാഭനെയും വലിയ കേശവനെയും ഒരുപരിശോധനയും നടത്താതെ നിരോധിച്ച വനം വകുപ്പ് ഉദ്യോഗസ്ഥരുടെ നടപടിയില്‍ കേരള എലിഫന്റ് ഒണേഴ്‌സ് ഫെഡറേഷന്‍ പ്രതിഷേധിച്ചു.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Malayalivartha new
Top