മങ്കര റെയില്വേ ഗേറ്റ് ജൂലൈ അഞ്ച് മുതല് താല്ക്കാലികമായി അടച്ചിടുമെന്ന് ഡെപ്യൂട്ടി കലക്ടർ
കണ്ണൂർ തളിപ്പറമ്പ് ചവനപ്പുഴയില് അമ്മയും മകളും കിണറ്റില് ചാടി. മകള്ക്ക് ദാരുണാന്ത്യം. കര്യാപ്പത്ത് ചിത്രലേഖ (38) ആണ് മരിച്ചത്. ഇന്ന് വൈകുന്നേരം മൂന്നരയോടെയാണ് സംഭവം നടന്നത്. അമ്മ ലക്ഷ്മിയെ നാട്ടുകാരും ഫയർഫോഴ്സും ചേർന്ന് രക്ഷപ്പെടുത്തി. ഇവരെ പരിയാരം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്.
അമ്മയും മകളും മാത്രമായിരുന്നു വീട്ടിലുണ്ടായിരുന്നത്. മരിച്ച ചിത്രലേഖ മാനസിക അസ്വാസ്ഥ്യം ഉള്ളയാളാണ്. ബന്ധുക്കളും അയല്ക്കാരും ഇവരെ ഫോണില് ബന്ധപ്പെടാൻ ശ്രമിച്ചെങ്കിലും ആരും പ്രതികരിച്ചിരുന്നില്ല
. തുടർന്ന് ഉച്ചയ്ക്ക് മൂന്ന് മണിയോടെ ബന്ധുക്കള് നേരിട്ടെത്തി നടത്തിയ തെരച്ചിലിലാണ് ഇരുവരെയും കിണറ്റില് കണ്ടെത്തിയത്. സംഭവത്തില് തളിപ്പറമ്പ് പൊലീസ് അന്വേഷണം തുടങ്ങി.