സമൂഹത്തിന്റെ സുരക്ഷ പലകാരണങ്ങളാല് വെല്ലുവിളികളെ നേരിടുമ്പോള് റസിഡൻസ് അസോസിയേഷനുകള് കൂടുതല് ജാഗ്രതയോടെ ഇടപെടണമെന്ന് കഴക്കൂട്ടം എം എല് എ വി.മുരളീധരൻ. കണ്ണടച്ചിരിക്കാതെ, സാമൂഹിക ഉത്തരവാദിത്തത്തോടെ അസോസിയേഷനുകള് പ്രവർത്തിക്കണമെന്ന് അദ്ദേഹം അഭിപ്രായപ്പെട്ടു.
ട്രെയിൻ യാത്രയ്ക്കിടെ ആറ് വയസ്സുകാരിയെ പീഡിപ്പിക്കാൻ ശ്രമിച്ച മധ്യവയ്സകനെ പ്രതിരോധിച്ച കൊല്ലം സ്വദേശി വീണയെപ്പോലെ ഉണർന്ന് പ്രവർത്തിക്കുന്ന മനസ് എല്ലാവർക്കും ഉണ്ടാകണമെന്നും വി.മുരളീധരൻ പറഞ്ഞു.
ഉപ്പുമാവിള റസിഡൻസ് അസോസിയേഷന്റെ വാർഷികാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ലഹരിയെ ചെറുത്തുതോല്പ്പിക്കാനും മാലിന്യസംസ്കരണത്തില് മാതൃക സൃഷ്ടിക്കാനുമെല്ലാം റസിഡൻസ് അസോസിയേഷനുകള് മുൻകൈ എടുക്കണമെന്നും എംഎല്എ പറഞ്ഞു.