മെക്സിക്കോയിലെ ചിയാപസില് ഭൂചലനം. 7.4 തീവ്രത രേഖപ്പെടുത്തിയ ശക്തമായ ഭൂചലനമാണുണ്ടായത്. പിന്നാലെ മേഖലയില് സൂനാമി മുന്നറിയിപ്പ് നല്കി. സമീപ രാജ്യങ്ങളായ ഗ്വാട്ടിമാലയിലും എല് സാല്വഡോറിലും ഭൂചലനത്തിന്റെ പ്രകമ്പനം അനുഭവപ്പെട്ടു. നാശനഷ്ടങ്ങളൊന്നും ഇതുവരെയും റിപ്പോര്ട്ട് ചെയ്തിട്ടില്ല.
ഭൂകമ്പകേന്ദ്രത്തില് നിന്ന് 300 കിലോമീറ്റര് പരിധിയിലുള്ള തീരങ്ങളില് അപകടകരമായ തിരമാലകള് ഉണ്ടാകാന് സാധ്യതയുണ്ടെന്ന് അധികൃതര് അറിയിച്ചു. സമുദ്രനിരപ്പിന് മുകളില് 0.3 - 1 മീറ്റര് വരെ ഉയരത്തില് തിരമാലകള് ഉയരാന് സാധ്യതയുണ്ടെന്നും മുന്നറിയിപ്പില് പറയുന്നു. കടല്ത്തീരങ്ങളിലുള്ളവര് മാറണമെന്നും നിര്ദേശമുണ്ട്.