മുംബൈ ദാദറിലെ മീനാതായി ഫ്ലവർ മാർക്കറ്റില് ശനിയാഴ്ച പുലർച്ചെ ഉണ്ടായ ശക്തമായ കാറ്റിലും മഴയിലും വൻമരം കടപുഴകി വീണു. പുലർച്ചെ 2.30 ഓടെയായിരുന്നു സംഭവം. ഇതേത്തുടർന്ന് മാർക്കറ്റ് കെട്ടിടത്തിന് വൻനാശനഷ്ടങ്ങള് സംഭവിച്ചു.
കച്ചവടമില്ലാത്ത സമയത്ത് അപകടമുണ്ടായതിനാല് ആർക്കും പരിക്കുകളോ ജീവഹാനിയോ റിപ്പോർട്ട് ചെയ്തിട്ടില്ല. മുൻകരുതല് നടപടിയെന്ന നിലയില് മാർക്കറ്റിലേക്കുള്ള വൈദ്യുതി ബന്ധം താല്ക്കാലികമായി വിച്ഛേദിച്ചു.
മരം മുറിച്ചുമാറ്റാനുള്ള നടപടികള് ആരംഭിച്ചിട്ടുണ്ട്. കഴിഞ്ഞ 24 മണിക്കൂറിനുള്ളില് മുംബൈയിലെ പലയിടങ്ങളിലും 100 മില്ലിമീറ്ററിലധികം മഴ രേഖപ്പെടുത്തിയിട്ടുണ്ട്. മഴ കനത്തെങ്കിലും നഗരത്തിലെ പൊതുഗതാഗത സംവിധാനങ്ങള് നിലവില് സാധാരണ നിലയിലായി.