ദേശീയ ചലച്ചിത്ര പുരസ്കാരം പ്രഖ്യാപിച്ചു; മമ്മൂട്ടി മികച്ച നടന്
ഒഡീഷയിലെ പുരി ജഗന്നാഥ ക്ഷേത്രത്തിലെ രഥയാത്രയ്ക്കിടെ ഉണ്ടായ വലിയ ജനത്തിരക്കും കനത്ത മഴയിലുംപെട്ട് രണ്ടുപേര് മരിച്ചു. നൂറോളം ഭക്തരെ പരുക്കുകളോടെ ആശുപത്രിയില് പ്രവേശിപ്പിച്ചു. വ്യാഴാഴ്ച പുരി ജഗന്നാഥ ക്ഷേത്രത്തിന്റെ സിംഹദ്വാരത്തിനു സമീപം വന് ജനത്തിരക്ക് അനുഭവപ്പെട്ടതിനെത്തുടര്ന്നാണ് ഭീതിജനകമായ സാഹചര്യം ഉണ്ടായതെന്ന് വാര്ത്താ ഏജന്സിയായ പിടിഐ റിപ്പോര്ട്ട് ചെയ്തു. രക്ഷാപ്രവര്ത്തകരും സുരക്ഷാ ഉദ്യോഗസ്ഥരും ഉടനടി ഇടപെട്ട് തിരക്കില്പ്പെട്ട ഭക്തരെ സ്ട്രെച്ചറുകളില് മാറ്റി പ്രാഥമിക ശുശ്രൂഷകള് നല്കി.
വലിയ ജനത്തിരക്കും കനത്ത മഴയും വകവയ്ക്കാതെ ലോകപ്രശസ്തമായ രഥയാത്രയ്ക്ക് സാക്ഷ്യം വഹിക്കാന് ലക്ഷക്കണക്കിനു ഭക്തരാണ് പുരിയിലെ ഗ്രാന്ഡ് റോഡില് തടിച്ചുകൂടിയത്. പന്ത്രണ്ടാം നൂറ്റാണ്ടില് പണികഴിപ്പിച്ചതായി വിശ്വസിക്കുന്ന ക്ഷേത്രത്തില് നിന്ന് ഗുണ്ടിചാ ക്ഷേത്രത്തിലേക്കുള്ള ഭഗവാന് ജഗന്നാഥന്, ജ്യേഷ്ഠന് ബാലഭദ്രന്, സഹോദരി സുഭദ്ര എന്നിവരുടെ വാര്ഷിക രഥയാത്ര ദര്ശിക്കാന് ലക്ഷക്കണക്കിനു ഭക്തരാണ് ഒത്തുചേരാറുള്ളത്.