സി.ജെ.പി സമരം നിര്ത്തി, രാഹല് ഗാന്ധിയുടെ 'ഛാത്രോം കി ഗൂഞ്ച്' പരിപാടി തുടരും
വിദ്യാര്ത്ഥി പ്രതിഷേധത്തിന്റെ വിജയത്തില് വികാരാധീനയായി പ്രിയങ്ക ഗാന്ധി എംപി. ഇത് രാജ്യചരിത്രത്തിലെ നിര്ണായക നിമിഷമാണെന്നും എല്ലാ ഭരണാധികാരികള്ക്കുമുള്ള പാഠമാണെന്നും പ്രിയങ്ക വ്യക്തമാക്കി. ജനങ്ങള് രാജ്യം തിരിച്ചുപിടിച്ചിരിക്കുന്നുവെന്നും വയനാട് എംപി കൂട്ടിച്ചേര്ത്തു. കള്ളാടി മണ്ണിടിച്ചില് ദുരന്ത മേഖല സന്ദര്ശിക്കാന് പ്രിയങ്ക ഗാന്ധി എത്തിയിരുന്നു. ഇവിടെ വച്ചായിരുന്നു എംപിയുടെ പ്രതികരണം.
'അവര്ക്ക് നേരെ ജലപീരങ്കിയും കണ്ണീര്വാതകവും പ്രയോഗിച്ചു. എന്നാല് ഇന്ത്യയുടെ യുവജനങ്ങള് പിന്നോട്ടില്ലായിരുന്നു. ഒടുവില് സര്ക്കാരാണ് വഴങ്ങേണ്ടി വന്നത്. ഞങ്ങള് വിദ്യാര്ത്ഥിക്കൊപ്പം നിന്നു. എന്റെ സഹോദരന് ഈ വിഷയത്തില് ഏറെക്കാലമായി നിരന്തരം പോരാടുകയും ശബദ്മുയര്ത്തുകയും ചെയ്തിരുന്നു. ഈ പോരാട്ടത്തില് പങ്കാളികളായ എല്ലാവര്ക്കും എന്റെ സഹോദരനും കോണ്ഗ്രസ് പാര്ട്ടിക്കും എന്എസ്യുഐക്കും വിദ്യാര്ത്ഥികള്ക്കൊപ്പം ഉറച്ചുനിന്ന എല്ലാവര്ക്കും ഞാന് നന്ദി അറിയിക്കുന്നു.
ശരിയായ കാര്യത്തിനുവേണ്ടി നിലകൊണ്ട എല്ലാവരെയും ഞാന് അഭിനന്ദിക്കുന്നു. എന്നാല് എല്ലാത്തിനുമുപരി ഇത് ഇന്ത്യയിലെ വിദ്യാര്ത്ഥികളുടെയും യുവജനങ്ങളുടെയും വിജയമാണ്. ഈ വാര്ത്ത അറിഞ്ഞപ്പോള് എനിക്ക് അതിയായ സന്തോഷം തോന്നി. സത്യം പറഞ്ഞാല് ഞാന് വളരെ വികാരാധീനയായി. കഴിഞ്ഞ 1012 വര്ഷമായി പലപ്പോഴും ഞാന് ചിന്തിച്ച ഒരുകാര്യമായിരുന്നു ഇത്. നമ്മുടെ യുവജനങ്ങള് എപ്പോഴാണ് ഉണരുക എന്ന്. ഇന്ന് അതിനുള്ള ഉത്തരമാണ് രാജ്യം കണ്ടത്' പ്രിയങ്ക വ്യക്തമാക്കി.