മകന്റെ വസ്ത്രം കൈയ്യില് അമർത്തി പിടിച്ച് അലമുറയിട്ട് കരയുന്ന അമ്മ. കരഞ്ഞ് തളർന്ന് സഹോദരി
എറണാകുളം അങ്കമാലിയിലെ കിടങ്ങൂരില് ആന വിരണ്ടോടി... ചവിട്ടേറ്റ് ലോറി ഡ്രൈവർക്ക് ദാരുണാന്ത്യം
കേരളത്തില് അള്ട്രാ വയലറ്റ് സൂചിക ഉയർന്ന നിലയില് തുടരുന്നു. മൂന്നാർ ഉള്പ്പെടെ കേരളത്തിലെ നാല് പ്രദേശങ്ങള് നിലവില് അതീവജാഗ്രത പുലർത്തേണ്ട ഓറഞ്ച് അലർട്ടിലാണ്. ഇന്നലെ സംസ്ഥാനത്ത് ഏറ്റവും ഉയർന്ന അള്ട്രാ വയലറ്റ് തീവ്രത മൂന്നാറിലാണ് രേഖപ്പെടുത്തിയത്. ഇന്നലെ ഉച്ചയ്ക്ക് മൂന്നാറില് യു വി സൂചിക ഒൻപതാണ് രേഖപ്പെടുത്തിയിരിക്കുന്നത്
കഴിഞ്ഞദിവസം മൂന്നാറില് യു വി സൂചിക എട്ടായിരുന്നു. യുവി സൂചിക 11-ലേക്ക് എത്തിയാല് മൂന്നാറില് റെഡ് അലർട്ട് പ്രഖ്യാപിക്കേണ്ടിവരും. പകല് പുറത്തിറങ്ങുന്നതിന് നിയന്ത്രണം ഏർപ്പെടുത്തുകയും ചെയ്യും. കോന്നി, ചെങ്ങന്നൂർ, ചങ്ങനാശ്ശേരി എന്നിവിടങ്ങളില് യു വി സൂചിക എട്ടില് തുടരുന്നു. കണ്ണൂരിലെ ധർമ്മടം അടക്കമുള്ള പ്രദേശങ്ങളിലെ യു വി സൂചിക എട്ടില് നിന്നും അഞ്ചായി കുറഞ്ഞിട്ടുണ്ട്.
ഒരു പ്രത്യേകസ്ഥലത്തും സമയത്തും സൂര്യതാപത്തില് നിന്നുള്ള അള്ട്രാവയലറ്റ് വികിരണത്തിന്റെ അളവാണ് യു വി സൂചിക. ഉയർന്ന അളവില് അള്ട്രാവയലറ്റ് രശ്മികള് കൊള്ളുന്നത് കാഴ്ചയെ പ്രതികൂലമായി ബാധിക്കുന്നതാണ്. മറ്റ് ആരോഗ്യപ്രശ്നങ്ങള്ക്കും ഇടയാക്കുമെന്ന് വിദഗ്ധർ പറയുന്നു. അതിനാല് നേരിട്ട് സൂര്യപ്രകാശമേല്ക്കുന്ന ജോലികള് പരമാവധി ഒഴിവാക്കണമെന്നും, സുരക്ഷാ മുൻകരുതലുകള് എടുക്കേണ്ടതാണ്.

