മങ്കര റെയില്വേ ഗേറ്റ് ജൂലൈ അഞ്ച് മുതല് താല്ക്കാലികമായി അടച്ചിടുമെന്ന് ഡെപ്യൂട്ടി കലക്ടർ
സംസ്ഥാനത്ത് ഇന്ന് 2 ജില്ലകളില് ഓറഞ്ച് അലർട്ട് പ്രഖ്യാപിച്ച് കേന്ദ്ര കാലാവസ്ഥാ വകുപ്പ്. 9 ജില്ലകളില് യെല്ലോ അലർട്ടുമാണ്. ഓറഞ്ച് അലർട്ട് പ്രഖ്യാപിച്ച ഇടങ്ങളില് ഒറ്റപ്പെട്ട അതിശക്തമായ മഴയ്ക്കുള്ള സാധ്യതയാണുള്ളത്.
യെല്ലോ അലർട്ട് പ്രഖ്യാപിച്ച ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയുമാണ് പ്രവചിച്ചിരിക്കുന്നത്. മറ്റ് ജില്ലകളില് നേരിയതോ മിതമോ ആയ മഴയുമാണുണ്ടാവുക.
ഇന്ന് കണ്ണൂർ, കാസർകോട് ജില്ലകളില് ഓറഞ്ച് അലർട്ട്
ഇന്ന് പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും നാളെ പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലും മറ്റെന്നാള് കോഴിക്കോട്, കണ്ണൂർ, കാസർകോട് ജില്ലകളിലും തിങ്കളാഴ്ച എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലും യെല്ലോ അലർട്ട് പ്രഖ്യാപിച്ചു.
അതേസമയം, കാലാവസ്ഥാമാറ്റം അനുസരിച്ച് മുന്നറിയിപ്പുകള് ഏത് സമയത്ത് വേണമെങ്കിലും മാറാനിടയായേക്കാം.ഉരുള്പൊട്ടല്, മലവെള്ളപ്പാച്ചില്, മണ്ണിടിച്ചില് തുടങ്ങിയ പ്രതിഭാസങ്ങള്ക്ക് സാധ്യതയുള്ള മേഖലകളില് താമസിക്കുന്നവർ അധികൃതരുടെ നിർദേശാനുസരണം സുരക്ഷിതമായ ഇടങ്ങളിലേക്ക് മാറി താമസിക്കേണ്ടതാണ്.
നദീതീരങ്ങള്, അണക്കെട്ടുകളുടെ താഴ് വാരങ്ങള് എന്നിവിടങ്ങളില് താമസിക്കുന്നവരും അപകടസാധ്യത മുൻകൂട്ടി കണ്ട് മാറേണ്ടതുണ്ട്. ഇത്തരം മേഖലകളിലുള്ളവർ അധികൃതരുടെ മുന്നറിയിപ്പുകള് കൃത്യമായി പിൻതുടരാൻ ശ്രദ്ധിക്കണം.