വാല്പ്പാറ ബസ് അപകടത്തില് മരിച്ചവരുടെ കുടുംബങ്ങള്ക്ക് സഹായധനം അനുവദിച്ച് സംസ്ഥാന സർക്കാർ...
ശബരിമലയില് നിന്ന് മോഷ്ടിച്ച സ്വർണം മറ്റ് ക്ഷേത്രങ്ങളിലെ കൊടിമരം പൂശാനും നവീകരണത്തിനും ഉപയോഗിച്ചെന്ന് മൊഴി. സ്മാർട് ക്രിയേഷൻ സിഇഒ പങ്കജ് ഭണ്ഡാരിയാണ് എസ്ഐടിക്ക് നിർണായക മൊഴി നല്കിയത്. ഈ മൊഴിയുടെ അടിസ്ഥാനത്തില് സ്മാർട് ക്രിയേഷൻസ് സ്വർണം പൂശിയ തമിഴ്നാട്, കർണാടക സംസ്ഥാനങ്ങളിലെ ക്ഷേത്രങ്ങളില് എസ്ഐടി പരിശോധന തുടങ്ങി.
സ്വർണം വേർതിരിക്കാനായി ഉപയോഗിച്ച ലായനിയും പരിശോധനക്ക് അയയ്ക്കും. ഇക്കാര്യം രേഖപ്പെടുത്തി കോടതിയില് റിപ്പോർട്ട് നല്കാനാണ് എസ്ഐടിയുടെ തീരുമാനം.
അതേസമയം, സ്വർണം വേർതിരിച്ചത് അശാസ്ത്രീയമായാണെന്ന് എസ്ഐടി കണ്ടെത്തി. സ്വർണം വേർതിരിക്കുന്ന ലായനിയുടെ ഘടകങ്ങള് അറിയാനാണ് ശാസ്ത്രീയപരിരോധന ചെയ്യുന്നത്.