പൃഥ്വിരാജ്- വൈശാഖ്- ജിനു എബ്രഹാം കൂട്ടുകെട്ടിലൊരുങ്ങുന്ന ' ഖലീഫ'യുടെ ആഗോള റിലീസ് തീയതി പ്രഖ്യാപിച്ചു. ഓണം റിലീസായി ഓഗസ്റ്റ് 20-നാണ് ചിത്രം തിയേറ്ററുകളില് എത്തുന്നത്.
മാമ്പറയ്ക്കല് ആമിർ അലി എന്ന കഥാപാത്രമായാണ് പൃഥ്വിരാജ് ചിത്രത്തില് വേഷമിടുന്നത്. മാമ്പറയ്ക്കല് അഹമ്മദ് അലി എന്ന കഥാപാത്രമായി ചിത്രത്തില് അതിഥി താരമായി മോഹൻലാലും എത്തുന്നുണ്ട്.
രണ്ട് ഭാഗങ്ങളായി ഒരുക്കുന്ന ഖലീഫയുടെ രണ്ടാം ഭാഗത്തില് മാമ്പറയ്ക്കല് അഹമ്മദ് അലിയായി മോഹൻലാല് നായകനായി എത്തും. ആദ്യഭാഗത്തിലെ നായകനായ പൃഥ്വിരാജ് സുകുമാരനും രണ്ടാം ഭാഗത്തിന്റെ താരനിരയില് ഉണ്ടാകും. ജിനു ഇന്നോവേഷന്റെ ബാനറില് ജിനു എബ്രഹാമും സൂരജ് കുമാറും ചേർന്നാണ് ചിത്രം നിർമിക്കുന്നത്. സിജോ സെബാസ്റ്റ്യൻ ആണ് സഹനിർമ്മാതാവ്.