ചെറിയാന് ഫിലിപ്പ് കോണ്ഗ്രസിലേക്ക്; ഔദ്യോഗിക പ്രഖ്യാപനം നാളെ
തിരുവനന്തപുരം: ചെറിയാന് ഫിലിപ്പ് കോണ്ഗ്രസിലേക്ക് മടങ്ങുന്നു. നാളെ കോണ്ഗ്രസില് ചേരും. 11 മണിക്ക് എ.കെ.ആന്റണിയുമായി ചര്ച്ച നടത്തിയ ശേഷമായിരിക്കും നിര്ണ്ണായക പ്രഖ്യാപനം ഉണ്ടായിരിക്കുക.
ചെറിയാന് ഫിലിപ്പിനെ കോണ്ഗ്രസിലേക്ക് സ്വാഗതം ചെയ്ത് പ്രമുഖ നേതാക്കള് രംഗത്തെത്തിയിരുന്നു. ഉമ്മന്ചാണ്ടിയുമായി വേദി പങ്കിടുകയും ചെയ്തിരുന്നു.
കോണ്ഗ്രസിലേക്കുള്ള മടങ്ങി വരുന്നതിന്റെ സൂചനകള് നേരത്തെ തന്നെ ചെറിയാന് ഫിലിപ്പ് നല്കിയിരുന്നു. മുസ്ലിംലീഗ് നേതാവായിരുന്ന അവുക്കാദര്കുട്ടി നഹയുടെ പേരിലുള്ള പുരസ്കാരം മുന്മുഖ്യമന്ത്രി ഉമ്മന് ചാണ്ടയില് നിന്ന് ഏറ്റുവാങ്ങി സംസാരിക്കുകയായിരുന്നു അദ്ദേഹം. അതേ സമയം ചെറിയാന് ഫിലിപ്പ് കോണ്ഗ്രസ് വിടാന് ഇടയായതിന്റെ ഉത്തരവാദിത്വം ഉമ്മന്ചാണ്ടി ഏറ്റെടുത്തു.
ഇപ്പോഴും തന്റെ രക്ഷകര്ത്താവ് ഉമ്മന്ചാണ്ടിയാണെന്നായിരുന്നു ചെറിയാന് ഫിലിപ് പ്രതികരിച്ചത്. 'ഉമ്മന്ചാണ്ടിയുടെ രക്ഷാകര്തൃത്വം ഇനിയും തനിക്ക് വേണം. അന്ന് അദ്ദേഹം എന്റെ രക്ഷകര്ത്താവായിരുന്നു. പിന്നീട് അദ്ദേഹത്തിന് എതിരെ മത്സരിച്ചു. അദ്ദേഹം തന്നെയാണ് ഇപ്പോഴും എന്റെ രക്ഷകര്ത്താവ് എന്ന് ഇപ്പോള് മനസിലായി. എടുത്തുചാട്ടക്കാരന്റെ എല്ലൊടിച്ചേ വിടൂ വിധി എന്ന ചൊല്ല് തന്റെ കാര്യത്തില് യാഥാര്ഥ്യമായി'- ചെറിയാന് ഫിലിപ്പിന്റെ വാക്കുകള് ഇങ്ങനെ.
സിപിഎമ്മുമായി അകലുന്നുവെന്ന അഭ്യൂഹങ്ങള്ക്കിടെ ചെറിയാന് ഫിലിപ്പ് ഉമ്മന് ചാണ്ടിയുമൊത്ത് പങ്കെടുക്കുന്ന ആദ്യ പൊതുപരിപാടിയായിരുന്നു തിരുവനന്തപുരത്ത് നടന്നത്. 'രണ്ട് പതിറ്റാണ്ടിന് ശേഷമാണ് ഞങ്ങള് രണ്ടുപേരും ഒരേ വേദിയില് വരുന്നത്. നിലവില് സമാനചിന്താഗതിക്കാരാണ്. ചെറിയാന് ഫിലിപ് കോണ്ഗ്രസ് വിടാന് ഇടയായതിന്റെ ഉത്തരവാദിത്തമേല്ക്കുന്നു. ചെറിയാന് സീറ്റ് ഉറപ്പാക്കാന് താന് ഉള്പ്പെടെയുള്ള നേതൃത്വം ശ്രമിക്കേണ്ടിയിരുന്നു. തനിക്കാണ് തെറ്റുപറ്റിയത്'- ഉമ്മന്ചാണ്ടി പറഞ്ഞു.
Tags