കോട്ടയം കാഞ്ഞിരപ്പള്ളിയില്‍ ആണ് സംഭവം. ആനക്കല്ല് സ്വദേശിയുടെ വീട്ടില്‍ നിന്നും പണവും സ്വർണവും മോഷ്ടിച്ച സംഭവത്തിലാണ് മൂന്നുപേരെ പോലീസ് അറസ്റ്റ് ചെയ്തത്. 75000 രൂപയും മൂന്ന് പവൻ സ്വർണ്ണവും ആണ് പ്രതികള്‍ വീട്ടില്‍ നിന്നും കവർന്നത്. കൊടുവന്താനം സ്വദേശിയായ പത്തൊൻപതുകാരൻ അജിത് അനിലും 17 വയസുകാരായ രണ്ടുപേരുമാണ് പിടിയിലായത്. മെയ്‌ 24 ന് ആയിരുന്നു ഇവർ ആനക്കല്ല് സ്വദേശിയുടെ വീട്ടില്‍ മോഷണം നടത്തിയത്. വീട്ടിലെ സിസിടിവി ദൃശ്യങ്ങള്‍ കേന്ദ്രീകരിച്ച്‌ നടത്തിയ അന്വേഷണത്തിലാണ് പ്രതികളെ തിരിച്ചറിഞ്ഞതും അറസ്റ്റ് ചെയ്തതും.